Хаартыска: Николай Харбин телеграмыттан.
Бэс ыйын бүтүүтэ Дьокуускайга “Азия оҕолоро” VIII норуоттар икки ардыларынааҕы успуорт оонньуулара ыытыллаары тураллар. Өрөспүүбүлүкэ араас муннугуттан бастыҥтан бастыҥ оҕолор сүүмэрдэнэн кэлиэхтэрэ.
Өлүөхүмэ улууһун баһылыга Николай Харбин улуустан успуорка күрэхтэһиигэ эрэ буолбакка, тэрээһин култуурунай бырагырааматыгар, ону тэҥэ, волонтердар блоктарыгар кыттыахтара диэн тус телеграм ханаалыгар санаатын үллэстэр.
— Бу күннэргэ Өлүөхүмэтээҕи оҕо ускуустубатын оскуолатын хореографияҕа икки көрдөрүүлээх ансаамбыла – “Арабеск” уонна “Эдельвейс” 23 үөрэнээччитэ Дьокуускайга барыаҕа. Кэлэктииптэри салайааччы Россова Надежда Анатольевна арыаллаан илдьиэҕэ. Оҕолор “Азия оҕолоро” VIII норуоттар икки ардыларынааҕы успуорт оонньууларын аһыллыытыгар кыттыахтара.
Итини таһынан, бэс ыйын 5 күнүгэр спортивнай оонньуулар волонтердарын бастакы барааччылара араҕыахтара. Кинилэр култуура бырагырааматыгар, спортсменнары арыаллааһыҥҥа, пресс-кииҥҥэ, уо.д.а. блоктарга кыттыахтара. Волонтердар иккис барыылара бэс ыйын 17 күнүгэр былааннанар.
Биһиги улууспут саамай кылаабынай бэрэстэбиитэллэринэн спортсмен оҕолор буолаллар. Бу – өрөспүүбүлүкэҕэ биирдиилээн бастыыр иһин күрэхтэһии кыайыылааҕа уонна Кыргызстааҥҥа ыытыллыбыт сахалыы ыстаныыларга норуоттар икки ардыларынааҕы турнир чөмпүйүөнэ Дарья Громова, сахалыы ыстаныыларга өрөспүүбүлүкэҕэ биирдиилээн бастыыр иһин күрэхтэһии кыайыылааҕа Марк Никитин, мас тардыһыытыгар өрөспүүбүлүкэҕэ биирдиилээн бастыыр иһин күрэхтэһии кыайыылааҕа Владимир Роев. Эдэр спортсменнары СӨ уопсай үөрэхтээһинин туйгуна, физическэй култуураҕа уонна ОБЖ үрдүк категориялаах учуутала Андрей Владимирович Митрофанов уонна физическэй култуура үрдүк категориялаах учуутала, СӨ уопсай үөрэхтээһинин туйгуна Сергей Леонидович Ярошенко арыаллыахтара.
Бу курдук сонуннар улуус бары олохтоохторун үөрдэн эрдэхтэрэ. Оҕолор улуус аатын дьоһуннаахтык ааттаталларын таһынан, ити курдук киэҥ далааһыннаах тэрээһинтэн үтүө өйдөбүллээх, уопут иҥэринэн кэлэргитигэр эрэнэбин, — диэн баһылык этэр.
Дьокуускайга Ленин аатынан болуоссакка музыкальнай фонтаны холбоон бэрэбиэркэни ыыттылар. СИА кэрэспэдьиэнэ миэстэтиттэн ураты көстүүнү видеоҕа…
Алтынньы 4 күнүгэр сарсыарда эрдэ ГАИ сулууспатыгар киин куорат Сэргэлээхтиир шоссе 11 км суол быһылаана…
Томпо улууһун Байаҕантай нэһилиэгэр бүгүн олохтоох көҕүлээһиннэри өйүүр бырагырааманан уонна нэһилиэнньэ көмөтүнэн тутуллубут Учуутал искибиэрин…
Дьокуускай куорат полициятын отделыгар икки тутуу хампаанньатын бэрэстэбиитэллэриттэн тутуу былаһааккатыттан уоруу тахсыбытын туһунан сайабылыанньалар киирбиттэр.…
Ил Дархан Айсен Николаев Горнай улууһугар Элбэх функциялаах сынньалаҥ киин тутуутун хаамыытын бэрэбиэркэлээтэ уонна сыл…
Саха сиригэр быйыл кыһын нуорматтан үрдүк салгын температурата турара күүтүллэр. Саха сиринээҕи Гидрометкиин сулууспатыгар кыһыҥҥы…