Өлүөхүмэ Заречнайыгар — саҥа оскуола

Ааспыт нэдиэлэҕэ  Өлүөхүмэ улууһун Заречнай нэһилиэгэр оҕо аймах, дьон-сэргэ кэтэспит кэрэ-бэлиэ күнэ буолла. Ол курдук  саҥа оскуола аһыллар үөрүүлээх күнэ тосхойдо.

Ыаллыы олорор Троицкай нэһилиэгиттэн «Кыталык» сынньалаҥ киин дириэктэрэ Ирина Сигаева өбүгэттэн бэриллибит сиэри-туому тутуһан алгыстаан бэлиэ күнү арыйда.

Ону таһынан, Троицкай алын кылаастарын коллектива эҕэрдэлэрин тиэртилэр. Кэлбит ыалдьыттарга алаадьынан айах тутан күндүлээтилэр Оскуола бары үлэһиттэригэр, төрөппүттэригэр, үөрэнээччилэригэр сырдык ыраас оскуола, киэҥ билиини иҥэрдин диэн эҕэрдэлэрин эттилэр, баҕа санаа бастыҥын анаатылар диэн Ирина Сигаева иһитиннэрдэ.