Өлүөхүмэҕэ 1140 лиитэрэ арыгы былдьанна

Профилактическай тэрээһиннэр холбоһуктаах дьаһалларын кэмигэр Өлүөхүмэ оройуонугар ИДьМ учаастактааҕы боломуочунайдара уонна ИДьМ подразделениеларын үлэһиттэрэ арыгы бородууксуйатын атыылааһыҥҥа сокуону кэһии 8 чахчытын арыйдылар.

Полицейскайдар Базарнай, 50 лет Победы, Киров уонна Габышев аатынан уулуссаларга уонна Токко сэлиэнньэтигэр арыгыны уонна испиири  көҥүллэмэт бириэмэтигэр атыыламмытын быһаардылар.

Ону таһынан учаастактааҕы боломуочунайдар икки киһи Заречнай уонна Троицкай сэлиэнньэлэргэ дьиэ иһиттэн аһыы утаҕы атыылаабыттарын быһаардылар. Дьахталлартан испиир уонна түөрт бытыылка арыгы былдьанна.

Атыы-эргиэн туочукаларынан рейдэлэр ыытылыннылар. Ол кэмҥэ полицейскайдар 1140 лиитэрэ арыгы араас көрүҥүн былдьаатылар.
Сокуону кэһээччилэр административнай эппиэтинэскэ тардылыннылар.