Өлүөхүмэҕэ 16 кыбартыыралаах дьиэ умайда

Бэҕэһээ Өлүөхүмэ куоракка Миллер уулуссатын 89-гар баар икки мэндиэмэннээх 16 кыбартыыралаах дьиэ умайда. Бу туһунан куорат дьаһалтатын телеграм ханаалыгар иһитиннэрдилэр.

«Билигин «Дружба» уонна «Чароит» култуура кииннэригэр уонна реабилитационнай кииҥҥэ быстах кэмҥэ олорор пууннар тэрилиннилэр. Олохтоохторго барыларыгар көмө оҥоһуллуоҕа», — диэн улуус баһылыга  Николай Харбин эттэ.

Маны таһынан «Гармония» киин базатыгар көмө оҥорор пуун тэриллибит.

Куорат мэрэ Сергей Щебляков иһитиннэрбитинэн, баһаартан эмсэҕэлээбит дьон докумуоннарын суһаллык чөлүгэр түһэриигэ уонна көмө оҥорууга үлэ ыытыллыаҕа.