Эбийиэк “Демография” национальнай бырайыак иитинэн тутулунна. СӨ Тутууну уонна дьиэни кэтээн көрөр судаарыстыбаннай управление тиһэх бэрэбиэркэтин кэннэ кырдьаҕастары уонна инбэлииттэри социальнай өттүнэн хааччыйарга аналлаах Өлүөхүмэтээҕи 200 миэстэлээх саҥа куорпус бырайыактыыр докумуон ирдэбилигэр сөп түбэһэрин туһунан түмүк бэрилиннэ.
2020 сылга интэринээт бастакы сыбаайатын түһэрэн, “Демография” национальнай бырайыак иитинэн 200 миэстэлээх олорор куорпус иккис уочаратын тутуута саҕаламмыта. Тутуу бэдэрээтчитэ – “Монтажник” производственнай кэпэрэтиип.
“Бүгүн 7448,32 кв.м. уопсай иэннээх, бэйэ-бэйэлэрин кытта туорааһыннарынан уонна галереянан силбэһэр үс блоктан турар, икки мэндиэмэннээх олорор куорпуһу үлэҕэ киллэрэргэ бэлэмниибит”, — диэн СӨ Тутууну уонна дьиэни кэтээн көрөр судаарыстыбаннай управление салайааччыта Павел Аргунов бэлиэтиир.
Икки олорор блокка саастаах дьоҥҥо уонна инбэлииттэргэ аныгы ирдэбилгэ эппиэттиир усулуобуйа барыта тэриллибит. Үһүс блок – дьаһалтаҕа аналлаах (административнай), манна мэдиссиинэ кэбиниэтэ, үлэ мастарыскыайдара, успуорт уонна култуура тэрээһиннэригэр аналлаах саала, аптека, таҥас сууйар хос, исписэлиистэр хосторо, ыскылаат баар буолуохтара.
Интэринээт-дьиэ тас өттүн тупсарбыттар итиэннэ күрүөлээбиттэр, успуорт былаһааккалаах уонна сынньанар сирдээх.
СӨ Тутууну уонна дьиэни кэтээн көрөр судаарыстыбаннай управление пресс-сулууспата.
“ВОИН” Киин саайтыгар Аҕа дойду Улуу сэриитин уонна байыаннай дьайыы туһунан документальнай, уус-уран киинэлэрдээх, сериаллардаах,…
От ыйын 4 күнүттэн Дьокуускайга Норуоттар икки ардыларынааҕы VIII киинэ бэстибээлэ саҕаланыаҕа. Бэстибээлгэ Арассыыйа уонна…
Олоҥхо ыһыаҕар волонтер оҕолор ыалдьыттары үөрэ-көтө көрсөллөр, сирдээн, сүбэлээн-амалаан биэрэллэр. Волонтердар бөлөхтөрүн салайар Анастасия Васильева…
Борис Андреев аатынан Элгээйитээҕи Айылҕа түмэлигэр саҥа экспонат баар буолла. Баараҕай бизон кыыл бу күннэргэ…
БЫЛЫЫК ТУОХХА ТУҺАЛААҔЫЙ? Кэмпэндээйи былыыга хап-хара сиппит кирээс буолан олус күүстээх эмп буолар. Кирээс уохтаах…
Айсен Николаев дойду бэрэсидьиэнэ Владимир Путин бэрэссэдээтэллээх РФ бырабыыталыстыбатын сүбэ мунньаҕар хоту улуустарга таһаҕаһы тиэрдии…