Хаартыска: Ө Ил Дарханын уонна Бырабыыталыстыбатын пресс-сулууспата
Өлүөхүмэ улууһугар «Азия оҕолоро» оонньуу эстафетатын көрүстүлэр.
Эстафета «Чароит» успуорт уораҕайын территориятыттан саҕаламмыта. Уоту көрсүү үөрүүлээх тэрээһин сиэригэр-туомугар ыалдьыттар, спортсменнар, Өлүөхүмэ улууһун баһылыга Николай Харбин уонна Өлүөхүмэ куорат баһылыга Сергей Щебляков кытыннылар.
Өлүөхүмэҕэ «Азия оҕолоро» оонньуу бастакы уотун уматыыны Өлүөхүмэ улууһун баһылыгар Николай Харбиҥҥа бэриллиннэ. Киниттэн факелы СӨ мас тардыһыыга маастара, Саха сирин икки төгүллээх чөмпүйүөнэ Гаврил Сивцев тутта. Оттон факелы тутан эстафета түмүк түһүмэҕэр 2004 сыллаахха чэпчэки атлетикаҕа «Азия оҕолоро» успуорт оонньууларын кыттыылааҕа, Саха сирин уонна улууһун волейболга чөмпүйүөнэ Ксения Янкова сүүрдэ. Оонньуу уотун эстафетатын бырааһынньыга үгэскэ кубулуйбут оһуохайынан түмүктэннэ.
Уот эстафетата быйыл кулун тутар 20 күнүттэн оонньуулары төрүттээбит Саха сирин Бастакы Бэрэсидьиэнэ Михаил Ефимович Николаев төрөөбүт Хаҥалас улууһун Покровскай куоратыттан саҕаланан, номнуо Хаҥалас, Горнай, Бүлүү, Үөһээ Бүлүү, Ньурба, Сунтаар, Мииринэй, Ленскэй, Анаабыр, Өлөөн, Булуҥ, Эдьигээн, Усуйаана уонна Аллараа Халыма улуустарыгар тиийбитэ.
Санатан эттэххэ, 2024 сыллаахха VIII «Азия оҕолоро» норуоттар икки ардыларынааҕы успуорт оонньуулара Саха сиригэр төннөн, Дьокуускайга бу сыл бэс ыйын 25 күнүттэн от ыйын 7 күнүгэр диэри ыытыллыахтара. Эдэр спортсменнар 239 кэмпилиэгинэн 24 көрүҥҥэ наҕараадаланыахтара.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…