Өлүөхүмэҕэ байыаннай дьайыы кыттыылааҕар борокуруор ирдэбилинэн олорор дьиэ бэриллиэҕэ

Өрөспүүбүлүкэ борокуратууратын сорудаҕынан Өлүөхүмэ улууһун борокуратуурата СМИ-лэргэ анал байыаннай  дьайыы кыттыылааҕа буолар эр киһиэхэ ирдэбилгэ сөп түбэспэт олорор дьиэни биэрбиттэрин туһунан иһитиннэриигэ олоҕуран бэрэбиэркэни тэрийдэ.

Бу иннинэ улуус борокуратуурата эр киһи дьиэнэн-уотунан хааччыллар бырааба кэһиллиитин туһунан сайабылыанньатыгар олоҕуран бэрэбиэркэ ыыппыта. Бу туһунан СӨ Борокуратуурата иһитиннэрэр.

Силиэстийэҕэ быһаарыллыбытынан, сайабылыанньа биэрээччм олохтоох салайыныы уорганыгар бас билэр олорор дьиэтэ суох быһыытынан учуокка турар, онуоха сулууспаттан босхоломмутун кэннэ, көрөр-харайар дьиэ кэргэнин чилиэнин кытта бастакы уочаратынан олорор дьиэни ылар быраабы биэрэр ыарыынан ыалдьыбыт. Онон сибээстээн, суут борокуратуура ирдэбилинэн Өлүөхүмэ куорат дьаһалтатыгар эр киһиэхэ социальнай куортам дуогабарынан толору хааччыллыылаах олорор дьиэни биэрэр эбээһинэһи сүктэрдэ. Билиҥҥи кэмҥэ Өлүөхүмэ улууһун борокуратуурата суут быһаарыытын толорууга сокуон ирдэбиллэрэ, сайабылыанньа биэрээччм бырааба тутуһуллуутугар сыанабылы биэрэ сылдьар.