Өлүөхүмэҕэ байыаннай дьайыы кыттыылаахтарыгар «Өйдөбүнньүк кинигэ» оҥоһуллар

Өлүөхүмэ улууһугар анал байыаннай дьайыыга олохторун толук уурбут оройуон байыастарыгар анаан «Өйдөбүнньүк кинигэ» оҥорон саҕалаатылар.

Бу туһунан улуус дьаһалтата ТГ-ханаалыгар иһитиннэрэр. Бырайыак анал байыаннай дьайыы хонуутугар олохторорун толук уурбут оройуон олохтоохторун ааттарын үйэтитэр уонна үүнэр көлүөнэҕэ өйдөбүл буолар сыаллаах.

«Бу өрөспүүбүлүкэ, улуус историятыгар сүҥкэн суолталаах бырайыак буолуо», — диэн иһитиннэриигэ этиллэр.

Бырайыагы оҥорооччулар байыаннай дьайыыга олохторун толук уурбут байыастар чугас дьонноруттан матырыйааллары күүтэллэр – хаартыскалар, дааннайдар, аймахтарын, төрөппүттэрин, доҕотторун ахтыылара, сулууспатын, судаарыстыбаннай наҕараадаҕа тиксибитин туһунан иһитиннэриилэр. Ону барытын ыам ыйын 31 күнүгэр диэри knigapamolk@mail.ru электроннай почтаҕа ыытыахха эбэтэр Өлүөхүмэҕэ олохтоох бибилэтиэкэҕэ туттарыахха сөп.