Ульяна Захарова хаартыскаҕа түһэриитэ.
Халлаан сылыйан, саас кэлиитэ бэйдиэ сылдьар ыт кыһалҕата күөрэйэр.
Бу күннэргэ социальнай ситимҥэ Дьокуускайга 202 түөлбэҕэ, Саталга бэйдиэ сылдьар ыттар үөрдүспүт видеолара тарҕаммыта. Маны сэргэ, Өлүөхүмэҕэ бэйдиэ сылдьар ыттар аһары элбээннэр уоннуу үөргэ тиийэ элбээбиттэрин, дьоҥҥо саба түһэллэрин туһунан СИА суруйар.
Олохтоохтор уулуссаҕа, оскуолаларга оҕолорун соҕотохтуу ыыталларын куттанар буолбуттар. Өлүөхүмэ куоратын баһылыга Сергей Щебляков бу балаһыанньаны маннык быһаарбыт:
— Бэйдиэ сылдьар ыт ахсаана 300-кэ кэриҥэ. Ыты тутууга, иитиигэ үп-харчы тиийбэт. Суоттаан көрдөххө, биир ыты көрүүгэ-истиигэ ыйга 15 тыһ.солк ороскуоттанар. Былырыын биһиги Бэтэринээрийэ департаменыттан сүүс бэйдиэ ыты тутууга субвенция быһыытынан 1,5 мөл.солк. көрдөөбүппүт. Бүгүҥҥү күҥҥэ 92 тыһ.солк. тутан олоробут. Бу харчы алта эрэ ыты тутан аттыырга, аһатарга тиийэр. Онон, салгыы өрөспүүбүлүкэ бүддьүөтүттэн көрдүөхпүт.
Баһылык бэлиэтииринэн, киирбит харчынан чааһынай тэрилтэни кытта дуогабар түһэрсэн бэйдиэ ыттары быстах пууҥҥа тутуохтара. Тутуллубут ыттары аттаан, ыраастаан, бииркэлээн баран уулуссаҕа төттөрү ыытыахтара. Маны сэргэ, бэйдиэ ыттары тутуунан олохтоох «зоозащитниктар» үлэлэһиэхтэрэ. Кинилэргэ бу үлэни толороллоругар 1 мөл.солк.көрүллүбүт.
«Биһиги дьокутааттарбыт Бэтэринээрийэ департаменыгар сокуон хараҕар уларытыылары киллэрэр этиилээх тахсыбыттара. Ол курдук, хаһаайына суох бэйдиэ ыттары «сымнаҕастык» утутар туһунан этии көтөхпүттэрэ. Тоҕо диэтэххэ, бу боппуруоһу атыннык быһаарар кыах суох буолла, ыттар оҕолорго, дьоҥҥо-сэргэҕэ хаста даҕаны саба түстүлэр. Ааспыт сылга дьоҥҥо саба түспүт аҕыс ыты туппуппут уонна төттөрү көҥүл ыыппыппыт», — диэн этэр Сергей Щебляков.
СӨ Бэтэринээрийэҕэ департамена бэлиэтииринэн, бу сылга бэйдиэ сылдьар ыттар кыһалҕаларын быһаарыыга судаарыстыба бүддьүөтүттэн улуустарга 80 мөл.солк. көрүллүбүт.
Бэлиэтээн эттэххэ, аныгы, сайдыылаах үйэҕэ бэйдиэ сылдьар ыттан куттанан уулуссаҕа көҥүл сылдьыбат буолуу, оҕо туһугар долгуйуу сүрэ бэрт.
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Ааспыт сууккаҕа Саха сиригэр биэс буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
Ньурба улууһун Октябрьскай нэһилиэгэр байыаннай дьайыы кыттыылаахтарын оҕолоругар Саҥа дьыллааҕы бэлэхтэри туттардылар. Хаһыс да сылын…
Бэҕэһээ, ахсынньы 28 күнүгэр 22:18 чааска «Восточный космодромтан «Союз-2.1б» аракыата көппүтэ. «Союз-2.1б» көтөр кэмигэр Саха…
Бу өрөбүлгэ «Восточнай» космодромтан «Союз-2.1б» аракыата көппүтэ. Бүлүү улууһун Үгүлээтигэр быыһааччылар бөлөхтөрө "Роскосмос" үлэһиттэрин кытта…
Бүгүн, ахсынньы 29 күнүгэр, өрөспүүбүлүкэ соҕуруу өттүгэр кыралаан хаардыаҕа, киин оройуоннарга сорох сиринэн туманнаах тымныы…