Өлүөхүмэҕэ болдьоҕун иннинээҕи куоластааһын саҕаланна

Саха сирини ыраах сытар уонна уустук суоллаах-иистээх сирдэригэр болдьоҕун иннинээҕи куоластааһын бара турар.

Бу күннэргэ Өлүөхүмэ улууһун ыраах, суола-ииһэ мөлтөх нэһилиэнньэлээх пууннарыгар болдьоҕун иннинээҕи куоластааһын саҕаланна.
Бүгүн 479 №-дээх учаастактааҕы быыбардыыр хамыыһыйата икки таба ыстаадатыгар сылдьан куоластааһыны тэрийдилэр. Бу туһунан СӨ Киин быыбардыыр хамыыһыйа иһитиннэрэр.

Санатан эттэххэ, Арассыыйа Федерациятын Бэрэсидьиэнин быыбара 2024 с. кулун тутар 15, 16, 17 күннэригэр ыытыллыа. Оттон болдьох иннинээҕи куоластааһын Саха сиригэр олунньу 25 күнүттэн саҕаламмыта.