Хаартыска: Д.Д.Садовников телеграмыттан.
“Урут хас да чаас айанныыр дьон, билигин Даппарайга, Өлүөхүмэ куоракка диэри бэрт түргэнник тиийэбит” – диэн улуус олохтоохторо этэллэр. Даппарай-Токко суола оҥоһуллан, айан-сырыы сыыдамсыйда.
Суол хаһаайыстыбатын үлэһитин күнүгэр Өлүөхүмэ улууһугар саҥа оҥоһуллубут 30 килэмиэтирдээх “Даппарай-Токко” суолу үөрүүлээх быһыыга-майгыга арыйдылар. Тустаах суолунан Токко, Тээнэ, Бэс Күөл, Киндигир, Даппарай нэһилиэктэрин олохтоохторо бары айанныыллар. Онон элбэх киһиэхэ күүтүүлээх-кэтэһиилээх суол буолар.
Үлэтин сырыытынан Өлүөхүмэ улууһугар тиийэ сылдьыбыт Бырабыыталыстыба бэрэссэдээтэлин бастакы солбуйааччы Дмитрий Садовников: “Бу, улууска суолталаах бырайыагы түһүмэхтэринэн олоххо киллэрдибит. Суол тутуута болдьоҕун иннинэ олоччу бүттэ. Саҥа суол олохтоохтор тырааныспарынан сырыыларыгар эрэллээхтик туһалыаҕа. Бырайыак иитинэн суол куттала суох буоларын туһугар 9 уу турбатын туттубут, 40-тан тахса суол бэлиэтин уонна тыһыынчаттан тахса сигнальнай остуолбалары туруордубут” – диэн тус телеграм-ханаалыгар суруйар.
Суол – олох хорук тымыра дииллэринии, тустаах суол чахчы суолталаах, хас даҕаны нэһилиэк олохтоохторун айанын чэпчэтэр, сырыытын сыыдамсытар тутуу буолара саарбаҕа суох.
Сунтаар улууһун Тойбохой с. фермердэрэ Алексей Сидоров уонна Александр Егоров Тыа хаһаайыстыбатын министиэристибэтин өйөбүлүнэн 500…
Күн уота аҕыйыыр, күн кылгыыр, кириип, сыстыганнаах вирус ыарыытын ахсаана элбиир – кыһын киһиэхэ санаа…
Гектары бас билэллэринэн эрэ муҥурдаммакка, манна биисинэстэрин саҕалаан эрэр дьон элбээтэр элбээн иһэллэр. Нам улууһугар…
Быйыл атырдьах ыйыгар Дьокуускай куоракка СӨ Суруйааччыларын сойууһун чилиэнэ, А.М.Горькай аатынан литература институтун устудьуона Любовь…
Саха сиригэр элбэх кыбартыыралаах дьиэлэр уопсай чаттара МАХ национальнай мессенджергэ көһөн эрэллэр. Хайыы-үйэ 3000-тан тахса…
Дьиэни эбэтэр кыбартыыраны өрөмүөн кэнниттэн дьиҥнээх оранжереяҕа кубулутан, хойуу сибэккилээх үүнээйинэн киэргэтэр кыах идэтийбит флористарга…