Өлүөхүмэҕэ эбии гуманитарнай көмөнү ыыттылар

СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн   Өлүөхүмэҕэ  «Полярные авиалинии» АХ Ан-3 сөмөлүөтүнэн эбии гуманитарнай таһаҕас тиэрдилиннэ.

Оробуочай бөлөх састаабыгар туһааннаах министиэристибэттэн миниистири бастакы солбуйааччы  Айаал Вензель  баар. Ол курдук  генератордары, аһы-үөлү, наадалаах малы-салы илтилэр.

Бүтэһик чахчыларынан, Өлүөнэ өрүс уутун таһыма  1-кы Нөөрүктээйи таһынан аҕыс чаас иһигэр -68 см түспүт.