Өлүөхүмэҕэ эпиэкэ отделын начаалынньыга ыстарааптанна
06.06.2024, 15:30
Хаартыска: СӨ Борокуратууратын пресс-сулууспата
Бөлөххө киир:
Өлүөхүмэ улууһун Борокуратуурата гражданнартан киирэр этиилэри көрүү бэрээдэгэр сокуону тутуһууну бэрэбиэркэлээтэ.
СӨ Борокуратуурата иһитиннэрэринэн, Өлүөхүмэ улууһугар сокуоннай саастарын ситэ илик оҕолорго эпиэкэ уонна попечительство салаатын үлэһиттэригэр олохтоох киһи көрдөһүүлээх сайабылыанньа киллэрбит. Сокуон хараҕынан киирбит сайабылыанньаҕа ыйыллыбыт болдьоххо суругунан хоруй бэриллибэтэҕэ быһаарылынна.
Борокуратуура ирдэбилинэн Өлүөхүмэ улууһун дьаһалтатын эпиэкэ уонна попечительство отделын начаалынньыга административнай эппиэтинэскэ тардылынна. Тахсыбыт кэһиилэр борокуруор ирдэбилинэн туоратылыннылар, оттон буруйдаах 5 тыһ. солк. суумалаах ыстараап төлүөҕэ.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: