Социальнай ситимҥэ тарҕаммыт видеоттан скриншот
Алтынньы 16 күнүгэр Өлүөхүмэ киин уулуссатыгар үөр ыттар оҕоҕо саба түһэ сыспыттар. Иэдээн тахсыаҕын, эр киһи түбэһэ түһэн оҕону быыһаабыт. СИА-ҕа Өлүөхүмэ баһылыга Сергей Щебляков иһитиннэрбитинэн, оҕоҕо саба түһэ сатаабыт ыттары тутууга биригээдэ тэриллибит.
«Быһылаан Өлүөхүмэ куоратын дьаһалтатын дьиэтин иннигэр тахсыбыт. Аһыныгас сүрэхтээх олохтоохтор бэйдиэ сылдьар ыттары өрүү аһаталлар, онон бу эҥээр ыттар өрүү үөрдүһэллэр, аһыыр сирдэриттэн арахпаттар. Эр киһи түбэһэ түһэн ыттары үүрэн, хата, оҕо эмсэҕэлээбэтэ», — диэн иһитиннэрбит баһылык. Онон Өлүөхүмэ дьаһалтата оҕоҕо саба түһэ сыспыт ыттары барыларын тутан куорат таһыгар көҥүл ыытыы туһунан быһаарыы ылыммыт.
Баһылык иһитиннэрбитинэн, Өлүөхүмэҕэ бэйдиэ ыттары тутууга үп көрүллүбэтэҕинэн, кинилэри тутар, хаайар пуун суох эбит. Бу сылга СӨ Бэтэринээрийэҕэ департамена бэйдиэ ыттары тутууга уонна аттааһыҥҥа 92 тыһ.солкуобайы көрбүт. Бу харчы сэттэ ыты тутан аттааһыҥҥа эрэ тиийбит. Сокуон хараҕынан бу аттаммыт ыттары уулуссаҕа көҥүл ыыппыттар. Видеоҕа көстүбүтүнэн, оҕоҕо саба түһэ сыспыт ыттар кулгаахтарыгар биркэлээхтэр эбит. Сергей Щебляков бэлиэтииринэн, бары бэйдиэ ыттары тутууга кырата 1,5 мөл.солкуобай наада үһү.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…