Хаартыска: Сергей Щебляков ТГ ханаалыттан.
Сэбиэскэй кэмҥэ Өлүөхүмэҕэ халбаһы оҥороллоро. Аҕа көлүөнэ ол халбаһы амтанын билигин даҕаны өйдүүр. Аны күһүҥҥүттэн өлүөхүмэлэр ол халбаһыны сөргүтэр, “Өлүөхүмэҕэ оҥоһуллубут” диэн ааттыыр былааннаахтар.
— Олохтоохтору кытта көрсүһүүлэргэ: “Олохтоох деликатес – халбаһы, мороженай, сибиэһэй лимонад олус да минньигэс этэ” — дииллэрин элбэхтик истэбин. Бүгүн биһиги бу үтүө үгэһи төнүннэриигэ хардыылыыбыт.
Ас-үөл куттала суох буолуута – судаарыстыба, олохтоох таһымҥа биһиги эмиэ, биир инники турар сорукпутуттан биирдэстэринэн буолар дии саныыбыт. Онон үөрүүлээх сонуммутун үллэстэбит – сотору кэминэн Өлүөхүмэ маҕаһыыннарыгар олохтоох халбаһы, ыыһаммыт астар, бэлимиэн о.д.а. бэлэм оҥоһуллубут аһылыктар атыыга тахсыахтара.
Биһиги Антонов И.Д. урбаанньыты кытта сөбүлэҥҥэ илии баттастыбыт, ирдэнэр тэрили ыларга бүддьүөттэн үп көрдүбүт. Сөбүлэҥ суолталаах пуунунан, олохтоох оҥоһуу уонна хаачыстыбалааҕын бэлиэтээн, бородууксуйа “Өлүөхүмэҕэ оҥоһулунна” (“Сделано в Олекминске”) брендынан атыыга тахсыыта буолар.
Ааспыты сөргүтэргэ уонна Өлүөхүмэ дьиҥнээх халбаһытынан биһигини күндүлүүргэ бэлэм көхтөөх, патриот урбаанньыттар бааллара үөрдэр!
Сонуну кэтэһиҥ, бэрт сотору кэминэн эһиги сандалыгытыгар оҕо сааскытыттан билэр, тапталлаах аскыт баар буолуоҕа! — диэн Өлүөхүмэ куорат баһылыга Сергей Щебляков телеграм ханаалыгар суруйар.
Биһиги ааспыкка күһүҥҥү хаһаастар, кэнсиэрбэлэр туһунан суруйбут эбит буоллахпытына, билигин кыһыҥҥы хаһаас туһунан суруйуохпут. Биир…
Саха сирин дзюдоҕа сүүмэрдэммит хамаандатын лиидэрэ Карина Ефимова (52 киилэҕэ диэри) иккис сылын Арассыыйа чөмпүйэнээтин…
Бүгүн Саха сиригэр Ийэ күнэ уонна Арассыыйаҕа Аҕа күнэ бэлиэтэнэр. Бу бэлиэ күнүнэн Ил Дархан…
Бүгүн, алтынньы 19 күнүгэр, өрөспүүбүлүкэ үгүс өттүгэр кыралаан хаар түһүөҕэ. Муора кытылынан 15-20 м. түргэннээх…
Бу күн халлаан куйаарыгар ураты энергия баар. Ый Кыыс бэлиэтигэр сылдьар. Бу бэлиэ бэрээдэги, чуолкайы, ырааһы…
Хаҥалас улууһун Мохсоҕоллоох бөһүөлэгэр бойобуой дьайыылар, локальнай сэриилэр, байыаннай дьайыы бэтэрээннэригэр анаммыт стела үөрүүлээх быһыыга-майгыга…