Хаартыска: СИА.
Өлүөхүмэ улууһун муниципальнай тэриллиитин социальнай харалтаҕа управлениетын начаалынньыга Анна Мамонтова икки байыаннай сулууспалаах төрөөбүт дойдуларыгар уоппускаҕа сынньана кэлбиттэрин уонна байыастарга уонна кинилэр дьиэ кэргэттэригэр көмөлөһүү үлэтэ көдьүүстээхтик салҕанан бара турарын тустарынан кэпсээтэ.
— Өлүөхүмэҕэ муус устар 1 күнүгэр биир дойдулаах икки байыаспыт кылгас уоппускаларыгар сынньана дьиэ кэргэттэригэр кэллилэр. Несмелов Евгений уонна Копылов Алексей иккиэн ааспыт сыл балаҕан ыйыгар байыаннай сулууспаҕа ыҥырыллан барбыттара. Евгений Өлүөхүмэтээҕи Кырдьаҕастар уонна инбэлииттэр анал социальнай дьиэлэрин үлэһитэ, оттон Алексей улуус киин балыыһатын үлэһитэ. Иккиэн кэргэннээхтэр, оҕолоохтор. Кинилэри кэлэктииптэригэр бииргэ үлэлиир табаарыстара, баһылыктар, чугас дьонноро, доҕотторо үөрүүлээх быһыыга-майгыга көрсүбүттэрэ. Байыастарга Өлүөхүмэтээҕи кэлимник чөлгө түһэрии киинигэр доруобуйаларын көннөрөллөрүгэр этиллибитэ. Ол эрээри кинилэр кылгас уоппускаларын дьиэлэригэр-уоттарыгар дьоннорун-сэргэлэрин, доҕотторун, аймахтарын аттыгар сынньанары таллылар. Күн бүгүн Өлүөхүмэтээҕи инбэлииттэри кэлимник чөлүгэр түһэриигэ үлэлиир киин («ЦКРИ») байыаннай сулууспалаахтар дьиэ кэргэттэригэр уонна бааһыран кэлбит буойуттарбытыгар чөлгө түһэрии бырагырааматынан сөптөөх өҥөлөрү оҥорор.
Нэһилиэктэрбитигэр баһылыктар уонна социальнай боппуруостарга эппиэттээх үлэһиттэрбит байыаннай сулууспалаахтар дьиэ кэргэттэригэр өйөбүлү оҥорор сыаллаах ыалларга сылдьан, туох көмөҕө наадыйалларын билсэллэр, барытыгар көх-нэм буолаллар, биир да көрдөһүүлэрин быһа гыммакка, көмөлөһө тураллар. Билиҥҥи кэмҥэ бу ыалларбытыгар тиэргэннэриттэн хаары таһыыга, онтон да атын үлэлэргэ көмөнү оҥоро сылдьаллар.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…