Хаартыска: Мария Васильева /СИА.
Өлүөхүмэ куоракка Ил Дархан Айсен Николаев анал коррекционнай интэринээккэ тэрилтэ үлэһиттэрин кытта көрсөн, педагогтар саҥа үөрэх дьылыгар бэлэмнэрин кытта билистэ.
Оскуолаҕа бүгүҥҥү күҥҥэ Арассыыйа бэрэсидьиэнэ Владимир Путин көҕүлээһининэн ыытыллар “Үөрэхтээһин” национальнай бырайыак “Хас биирдии оҕо ситиһиитэ” бырагырааматын чэрчитинэн 400 кв.м иэннээх успуорт саалата саҥардылла турар. Учууталлар оскуола үөрэнээччилэрэ араас успуорт көрүҥнэрин күрэхтэһиилэригэр хаста да бириистээх миэстэлэргэ тиксибиттэрин туһунан кэпсээтилэр.
“Оскуола үлэһиттэрэ доруобуйаларыгар хааччахтаах оҕолорго успуорка тапталы иҥэрэллэрин, үөрэнээччилэр успуорт саалатыгар бэркэ астынан дьарыктаналларын билиһиннэрдилэр. Учууталлар выпускниктара оскуолаттан идэ ылан тахсалларын, ол көмөтүнэн олоххо бэйэлэрин миэстэлэрин булалларыттан киэн тутталлар”, —— диэн өрөспүүбүлүкэ баһылыга бэйэтин Telegram ханаалыгар бэлиэтээтэ.
Үөрэх кыһатыгар 102 оҕо үөрэнэр. Манна атах-сүһүөх, кыра саастарыттан аутизм уонна Даун ыарыылаах оҕолор үөрэнэллэр. Маны таһынан, коррекционнай оскуолаҕа оҕолор анал идэлээх буолан тахсалларыгар болҕомто ууруллар. Ол курдук, оскуолаҕа үөрэнэр оҕолор болуотунньук, санитарнай систиэмэни уонна тэрилитаҥааччы, иистэнньэҥ, иитээччи көмөлөөһүччүтэ идэлэргэ уһуйуллан тахсаллар.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…