Өлүөхүмэҕэ Кыайыы 80 сылынан сэргэ туруордулар

Кыайыы 80 сылынан аҕа дойдуну көмүскээччилэргэ анаан Өлүөхүмэ улууһун Троицкай нэһилиэгэр Төрүт алаас  ытык-мааны сиригэр сэргэни туруоруу сиэрэ-туома буолла.

Сэргэни уран тарбахтаах, талааннаах олохтоохтор Александр Еремеев, Афанасий Прохоров, Иван Борисов оҥордулар. Бэс ыйын 28 күнүгэр эдэрдиин-эмэнниин мустан, нэһилиэк аҕа баһылыга Дмитрий Габышев алгыс тылынан алҕаан, үйэҕэ умнуллубат сүдү суолталаах, араҥаччылыыр-арчылыыр аналлаах сэргэ туруоруута үрдүк таһымҥа буолан ааста.

Ирина Сигаева, Троицкайдааҕы «Кыталык» КК дириэктэрин солбуйааччы