Хаартыска: Андрей Сорокин.
Бүгүн, олунньу 18 күнүгэр Өлүөхүмэ улууһугар кырдьаҕастарга уонна инбэлииттэргэ аналлаах анал интэринээт-дьиэ 200 миэстэлээх олорор куорпуһун астылар. Саха сирин биир кырдьаҕас социальнай тэрилтэтэ аныгы дьиэлэнэн, эппиэкэҕэ сылдьааччылар олорор усулуобуйаларын уонна үлэһиттэр үлэлэрин чэпчэтиэҕэ. Эбийиэк “Демография” национальнай бырайыагынан тутулунна.
Ил Дархан Айсен Николаев бэлиэтээбитинэн, өрөспүүбүлүкэҕэ социальнай тэрилтэлэр баазаларын материальнай-тэхэньиичэскэй өттүнэн бөҕөргөтөргө улахан болҕомтону уураллар, социальнай өҥө хаачыстыбатын тупсарарга былааннаах үлэ барар.
“Бу, аныгы ирдэбилгэ барытыгар эппиэттэһэр бэртээхэй эбийиэк дойду бэрэсидьиэнин быһаарыытынан тутулунна. Хааччыллыытын ааҕан туран 800 мөл. солк. тахса суумаҕа тутулунна, итинтэн 90 % кэриҥэ – федеральнай бүддьүөт суотугар. Олохтоохтор, кэлэктиип туһугар үөрэбин. 2015 сыллаахха бастакы уочарата тутуллубута, дойду Бырабыыталыстыбатын кытта үлэ түмүгэр бүгүн интэринээт-дьиэ иккис уочарата үлэҕэ киирдэ”, — диэн Айсен Николаев эбийиэги аһар үөрүүлээх тэрээһиҥҥэ бэлиэтээтэ.
Ил Дархан интэринээт-дьиэ кэлэктиибигэр 500 тыһ. солк. суумалаах сэртипикээти туттарда. Бу эппиэкэҕэ сылдьааччылар доруобуйаларын чөлүгэр түһэрэргэ туһаайыллыаҕа.
Өлүөхүмэтээҕи кырдьаҕастар уонна инбэлииттэр дьиэлэригэр өрөспүүбүлүкэ бары муннугуттан күннэтэ кэтээн көрүүгэ уонна көрүүгэ-истиигэ наадыйар 370-тан тахса киһи олорор. Тустаах тэрилтэ 1927 сылтан үлэлиир. “Демография” национальнай бырайыак “Аҕа көлүөнэ” федеральнай бырайыагын иитинэн саҥардылынна.
Санатан эттэххэ, 2015 сыллаахха олорор куорпус 100 миэстэлээх бастакы уочарата үлэҕэ киирбитэ. Куорпус мэдицинскэй блоктаах, куукуналаах, остолобуойдаах. 2020 сыллаахха 200 миэстэлээх иккис уочарата национальнай бырайыак чэрчитинэн салгыы тутулунна.
Икки мэндиэмэннээх таас тутуу утуйар куорпуһа үс блоктан турар, бу икки ардынан туоруур сирдээх уонна галереялаах. Икки блок – олорор сир, үһүскэ үлэ мастарыскыайдара, таҥас сууйар хос, аптека, ыскылаат, исписэлиистэр хосторо, успуорка уонна култуура тэрээһиннэригэр аналлаах универсальнай саала бааллар.
СӨ Ил Дарханын уонна Бырабыыталыстыбатын пресс-сулууспата.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…