Хаартыскаҕа Андрей Сорокин түһэриитэ. СИА
Ил Дархан Айсен Николаев Өлүөхүмэҕэ байыаннай дьайыыга олохторун толук уурбут байыастарга анаммыт мемориальнай дуоскаҕа сибэкки уурда.
Мемориалы «СӨ ОДьКХ» ГУП Өлүөхүмэтээҕи филиала тэрилтэлэригэр үлэлээбит Александр Добринов уонна Александр Петровскай туһунан өйдүү-саныы сылдьарга туруорбут.
Ил Дархан Айсен Николаев байыаннай сулууспалаахтар чугас дьонноругар дириҥ кутурҕанын биллэрдэ.
«Бүгүн биһиги манна Ийэ дойдуларын көмүскүү сылдьан олохторун толук уурбут дьоруойдары, Арассыыйа дьоруойдарын, тустарынан ахтан-санаан ааһабыт. Кинилэр барыларын ааттарын үйэтитэргэ биһиги барытын оҥоруохпут. Мин «СӨ ОДьКХ» ГУП Өлүөхүмэтээҕи филиалын кэлэктиибигэр бу көҕүлээһиннэрин иһин махтанабын. Биһиги дьоруойдарбыт дьиэ кэргэттэригэр болҕомтобутун ууруохпут, көмөлөһүөхпүт. Сир үрдүгэр эйэлээх олох, оҕолорбут, сиэттэрбит эйэлээх халлаан анныгар этэҥҥэ олороллорун туһугар бары кыһамньыбытын уурабыт. Дьоруойдар ааттара өлбөөдүйбэт», — диэтэ Айсен Николаев.
Мемориальнай дуосканы арыйыыга байыаннай дьайыыга олохторун толук уурбут байыастар дьиэ кэргэттэрэ, чугас дьонноро, бииргэ үлэлээбит кэллиэгэлэрэ, куорат олохтоохторо кытыннылар.
Александр Добринов «СӨ ОДьКХ» ГУП Өлүөхүмэтээҕи филиалыгар инженеринэн, Александр Петровскай суоппарынан үлэлээбиттэр. Иккиэн Өлүөхүмэттэн 2022 сыллаахха балаҕан ыйыгар быстах хомуурга ыҥырыллан барбыттар.
«Александр Добринов уонна Александр Петровскай биһиги эрэллээх доҕотторбут этилэр. Үлэлэригэр эппиэтинэстээхтэрэ уонна үрдүк квалификациялаахтарын көрдөрбүттэрэ. Ийэ дойдуларын көмүскүүр ытык иэстэрин чиэстээхтик толорбуттара. Үүнэр көлүөнэ өйдүү-саныы сылдьарын уонна киэн туттарын курдук, биһиги үйэтитиигэ кыһамньыбытын ууруохпут», — диэн этэр «СӨ ОДьКХ»ГУП генеральнай дириэктэрин солбуйааччы Дмитрий Антонов.
СӨ Ил Дарханын уонна Бырабыыталыстыбатын пресс-сулууспата.
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…