Баһаары утары барыта 1788 киһи уонна 153 тиэхиньикэ үлэлиир. Хаартыска СӨ ЫБММ ылылынна
Өлүөхүмэ ойуур баһаарыттан улаханнык эмсэҕэлээбит улуустартан биирдэстэрэ.
Билигин даҕаны ойуур баһаара бүтүннүү умуруорулла илик. Ол эрээри балаһыанньа күүстээх ардахтар уонна уоту кытары охсуһааччылар көдьүүстээх үлэлэрин түмүгэр кыччаата. Бүгүн ол туһунан Өлүөхүмэ улууһун баһылыга Николай Харбин иһитиннэрдэ:
— Биһиги уоту кытары охсуһааччыларбыт, ону тэҥэ олохтоох нэһилиэнньэбит уонна нэһилиэктэрбит баһылыктарын сөптөөх үлэлэрин түмүгэр улууспут соҕуруу өттүгэр турбут ойуур баһаардарын балаһыанньата туруктаах буолла. Ол эрээри улуус хоту өттүгэр уустук балаһыанньалаахпыт. Дабаан нэһилиэгин таһыгар турбут 60 №-дээх баһаары утары күүстээх үлэ барда. Дабаан диэки өттүгэр Кочегарово сэлиэнньэтиттэн утары уоту ыытаммыт куттал суоһаабат буолла. Баһаар мастар үрдүлэринэн Чэрэндэй үрэх устун хотугулуу-арҕаа баран испитэ. Олох соторутааҕыта онно «Авиалесоохрана» тэрилтэ болотохода тиийбитэ. Ити курдук хотугулуу-арҕаа күүһү-күдэҕи улаатыннаран ойуур баһаара бохсулунна. Итини таһынан Балаҕаннаах таһыгар турбут 69 №-дээх баһаар болҕомтоҕо тутуллар. Төһө даҕаны нэһилиэнньэлээх пуунтан ыраах соҕус турдар, баһаары умуруоруу күүскэ барар. Баһаарынайдар минерализацияламмыт балаһалары оҥорорго бары күүһү түмэллэр. Бэҕэһээ аны Абаҕа сиригэр 101 №-дээх саҥа баһаар бэлиэтэннэ. Ону таһынан экэниэмикэ эбийиэктэрин таһынааҕы баһаардары умуруоруу үлэтэ барар. Ол курдук НПС-13 аттыгар 95 №-дээх баһаар баар. Манна биһиги Экология министиэристибэтин кытары уоту кытары охсуһааччылары тыатааҕыттан көмүскүүргэ булчуттары көрөллөрүгэр сүбэлэстибит.
Күн-дьыл билгэтэ. Быйыл кыһын сылгы сотору-сотору хахсыйарын, эбэтэр ойуурга киргил торулуурун иһиттиҥ дуо? Хатааһыннаах саас…
Ил Дархан Айсен Николаев Арассыыйа Наукаларын Академиятын бэрэсидьиэнэ Геннадий Красниковы кытта көрүстэ. Көрсүһүүгэ РНА вице-бэрэсидьиэнэ…
Нам улууһугар Аппааныга дьон-сэргэ доруобуйатын тупсарынарыгар, чэгиэн, чөл буоларыгар, толкуйдуур дьоҕурун сайыннарарыгар үлэ тиһиктээхтик ыытыллар.…
Бу бырагырааманы үбүлээһин үс хайысханан оҥоһуллар: федеральнай, Саха Өрөспүүбүлүкэтин судаарыстыбаннай уонна муниципальнай тэриллиилэр олохтоох бүддьүөттэриттэн.…
Аныгы технологиялаах "Смарт" бибилэтиэкэҕэ робот-бибилэтиэкэр баар буолла. Робот сахалыы саҥарар, дорооболоһор, төбөтүн имэрийдэххэ, манньыйан хараҕын…
Бу күннэргэ күн-дьыл туруга хайдах эбитий? Күнү-дьылы кэтээн көрөөччүлэр туох дииллэрий? Хотугулуу-илин намыһах сирдэргэ -48-53°,…