Хаартыска: SakhaGov
Бу туһунан өрөспүүбүлүкэ бастакы вице-премьерэ Дмитрий Садовников бэйэтин телеграм-ханаалыгар иһитиннэрдэ. Муниципальнай тэриллиигэ ыксаллаах быһыы-майгы эрэһиимэ биллэриллибитэ. Билигин улууска 3 ойуур баһаара баар.
«Омос санаатахха, 3 баһаар диэн наһаа элбэҕэ суох курдук, ол гынан баран, баһаар иэнэ 20 тыһыынча гааны аһарда, ол эбэтэр Саха сиригэр умайар сир 1/3 ылар”, — диэтэ бырабыыталыстыба бэрэссэдээтэлин солбуйааччы.
Дмитрий Садовников этэринэн, билигин бу 3 баһаарга 250-чэ кэриҥэ киһи,ордук параюшистар уонна десантниктар үлэлииллэр. Баһаары умулларыы уот турбут сирин уратытынан уонна чугаһынан уу суоҕунан уустугурар. Үс баһаартан биир саамай улаханнарыгар, 17 тыһыынчаттан тахса гааны ылбыт быһаарга дэлби тэптэрэр үлэлэр саҕаланаллар. Ону таһынан «Авиалесоохранаттан» эбии күүс кэлиэҕэ.
«17 тыһыынчаттан тахса гаа иэни ылбыт саамай улахан баһаар быһа холоон Бэс Күөл сэлиэнньэтиттэн 60 килэмиэтиргэ баар. Федеральнай «Авиалесоохрана» манна дэлби тэптэрии үлэтин саҕалыыр. Өлүөхүмэ улууһугар көмөҕө «Авиалесоохрана» Приволжьетааҕы авиаотделениетыттан 45 киһи кэлиэҕэ.
Санатан эттэххэ, бэс ыйын 10 күнүн сарсыардатыгар бэлиэтэммит 48 ойуур баһаара 98 266 гаа иэннээх сири ылар.
Ойуур баһаардарын умулларыыга 749 киһи, 50 тиэхиньикэ, 16 салгын суудуната уонна 8 Ми-8 бөртөлүөт үлэлииллэр.
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…