Өлүөхүмэҕэ олохтоох ас-үөл маҕаһыына аһылынна

Ааспыт нэдиэлэҕэ Өлүөхүмэ куоракка “Өлүөхүмэҕэ оҥоһулунна” бэлиэлээх “Антоновъ” олохтоох бородууксуйа бастакы маҕаһыына аһылынна.  

Маҕаһыын, сыл саҥатыгар олохтоох халбаһыны оҥорууга сүүйүллүбүт грант көмөтүнэн аһыллыбыт. Олохтоох бородууксуйаны номнуо ылан амсайбыт Өлүөхүмэ улууһун олохтоохторо амтана минньигэһин, кэлии астааҕар чыҥха атынын бэлиэтииллэр. Саҥа дьылы көрсө өссө биир өлүөхүмэлии “Молочнай” халбаһыны оҥорон таһаарар былааннаахтар. Атыыга эт, балык ас арааһа дэлэй. Маҕаһыын куорат киинигэр, оптуобус тохтобулун аттыгар аһыллыбыта бэрт табыгастаах диэн дьон этэр.