Хаартыска: АНИЦ пресс-сулууспата
Саха сиригэр Өлүөхүмэ бастакы остуруога турбут сиригэр хаһыылары ыытары былаанныыллар.
Кириэппэс чуолкай кыраныыссаларын быһаарар көрдүүр үлэлэр номнуо 2026 сыллаахха саҕаланыахтарын сөп. Бу туһунан СӨ Култуура баайын-дуолун харыстыыр управлениетын салайааччыта Николай Макаров социальнай ситимнэргэ быһа эпиир кэмигэр кэпсээтэ.
«Биһиги култуура баайын-дуолун эбийиэктэрин чөлүгэр түһэрэр, бас билээччилэртэн харыстыылларын ирдиир эрэ буолбатахпыт, саҥа пааматынньыктары үөрэтэр үлэлэри эмиэ былаанныыбыт. Ол курдук, хас да сыл анараа өттүгэр Өлүөхүмэ улууһун баһылыга Николай Харбин Өлүөхүмэ куорат бастакы кириэппэс-остуруогун көрдүүр туһунан боппуруоһу туруорбута», — диэн Макаров эттэ. Кини этэринэн, остуруок ханна баарын туһунан иһитиннэрии баар эрээри, чуолкай кыраныыссата биллибэт.
Николай Макаров бэлиэтээбитинэн, Саха сиригэр икки тыһыынча кэриҥэ култуура баайын-дуолун эбийиэгэ уонна саҥа көстүбүт эбийиэгэ баар. Кинилэр истэригэр 134 эбийиэк – федеральнай, 453 – эрэгийиэннээҕи, оттон 344 – олохтоох суолталаах пааматынньыктар.
Санатан эттэххэ, быйыл Хаҥалас улууһун Хаптаҕай сэлиэнньэтигэр хаһыы ыытыллар, оттон Дьокуускайга Каландаришвили уулуссатыгар хаһыы үлэтэ түмүктэнэр.
От ыйын 25 күнүттэн СӨ Тыатын хаһаайыстыбатын уонна ас-үөл бэлиитикэтин министиэристибэтин, СӨ «Агропромышленнай комплексы ресурсанан…
От ыйын 26 күнүттэн Суол быраабылаларын саҥа уларыйыылара күүстэригэр киирэллэр. Ол курдук, анал бэлиэлээх массыына…
Эдэрдэри үөрэн-көтөн эҕэрдэлиир массыыналар суоппардара суолга кутталлаах быһыыны-майгыны үөскэппиттэр, сорохторо төлөммөтөх ыстарааптаах буолан биэрбиттэр. Бэҕэһээ…
Ханнык баҕарар тимир көлө мотуорун арыыта кэмигэр уларытыллан иһиэхтээх. Тиэхиньиичэскэй ирдэбил, быраабыла быһыытынан, тимир көлө…
От ыйын 25 күнүгэр Арассыыйа бырабыыталыстыбата эрэгийиэҥҥэ хамнас хайдаҕыттан уонна дьиэ кэргэн төһө оҕолооҕуттан көрөн…
Өрөспүүбүлүкэҕэ 2025 сылга туһунан категориялаах дьону үлэҕэ ылыыны көҕүлээн, 74 киһини үлэҕэ киллэриэхтэрэ, диэн Дьарыктаах…