Хаартыска sakha.gov.ru ылылынна
Росгидромет «Метео» Як-40 зондировщик салгын аалын бэҕэһээҥҥи үлэтин түмүгүнэн, сөҥүү Өлүөхүмэ улууһугар барытыгар кэриэтэ түстэ.
Бу туһунан СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников иһитиннэрдэ.
«Улуус хоту өттүгэр ардах биллэ түстэ, соҕуруу диэки улахана суох. Чапаево таһыгар ойуур баһаара умуруорулунна. Тээнэ чугаһыгар баар баһаарга эмиэ ардах түстэ. Ону ситэри умуруора РФ ЫБМ Ми-8 бөртөлүөтүнэн 12 баһаарынай тиийдэ. Хороҕо, Дабааҥҥа, Кочегаровоҕа ардахтар түстүлэр«, — диэн бэлиэтиир кини.
Улуустар салалталара ардаҕы түһэриини өссө көрдөһөллөр диэн кини этэр. Былыт хайдаҕыттан көрөн салгын аала онно төннөн тиийиэ диэн эттэ.
Күүстээх ардахтар Нерюнгрига, Мииринэйгэ, ону сэргэ Алдаҥҥа эмиэ бэлиэтэммиттэрэ, онно Кутана сэлиэнньэтин таһыгар улахан баһаар умуруоруллубута. Ленскэйгэ эмиэ сөҥүү түһэрэ бэлиэтэммитэ.
Бүгүн «Метео» Як-40 Бүлүүгэ үлэлээтэ, онно эмиэ ардаата. Оттон ойуур баһаарынан уустук балаһыанньалаах Үөһээ Бүлүүгэ сөҥүү түспэтэ. Онон РФ ЫБМ Бе-200 амфибия-салгын аалын ыытары былаанныыллар.
Хоту сөҥүү кэмчи, ол иһигэр аттыгар ойуур баһаара буола турар Белай Гораҕа. Сарсын онно «Полярные авиалинии» авиахампаанньа «Атмосфера» Ан-26 зондировщик-салгын аалын көтүтэргэ былаанныыллар. Абый улууһун таһынан, салгын аала Дьааҥы оройуонугар эмиэ үлэлиэ.
От ыйын 17 күнүгэр киэһээҥҥи иһитиннэриинэн, өрөспүүбүлүкэҕэ 156 ойуур баһаара уонна 2 ландшафтнай баһаар бэлиэтэнэр. Суукка саҕаланыаҕыттан 16 ойуур баһаара умуруоруллубут. Оттон саҥа баһаар (икки ойуур, биир ландшафтнай) булуллубут.
Ойуур уотун умуруорууга 1823 киһи, 154 тиэхиньикэ, авиация үлэлииллэр. 15 борт ботурууллуур, тоҕус ойуур уотун умуруорууга сылдьар.
СӨ Ил Дарханын уонна Бырабыыталыстыбатын пресс-сулууспата
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…