Өлүөхүмэҕэ тимирбит эр киһини быыһааччылар буллулар

Бүгүн, атырдьах ыйын 8 күнүгэр, водолазтар Өлүөхүмэҕэ тимирбит 1985 с.т. эр киһи өлүгүн буллулар. Бу туһунан СӨ Быыһыыр сулууспата иһитиннэрэр.

Бэҕэһээ быыһааччылар гидролокатор көмөтүнэн оҥочону булбуттара. Оттон эр киһи өлүгэ Солянка сэлиэнньэтиттэн 9 км-дээх сиргэ көстүбүт.

Санатан суруйдахха, балыксыт атырдьах ыйын 4 күнүгэр сүппүтэ. Өлүөнэ өрүскэ түөрт киһилээх оҥочо түҥнэстиитигэр үс киһи быыһаммыта.