Хаартыска: СИА
Өлүөхүмэ улууһугар ыам ыйын 27 күнүттэн муниципальнай тэриллии баһылыгын дьаһалынан ураты баһаарынай эрэсиим үлэлээтэ.
Өлүөхүмэ улууһун тыатын хаһаайыстыбатын үлэһитэ Павел Киселев иһитиннэрбитинэн, кэнники үс күн хонукка икки ойуур баһаара турбута биллэр.
Бастакы ойуур баһаара ыам ыйын 24 күнүгэр Оллом сэлиэнньэтиттэн 3,5 км тэйиччи турбута уонна сарсыҥҥы күнүгэр умуроруллубута. Иккис баһаар бээтинсэ күн Бэс Күөл сэлиэнньэтиттэн 32 км ыраах булуллубута. Баһаары умуруорууга 1 гектар сиргэ 15 киһи кыттар уонна Ми-8 бөртөлүөт тардылынна.
Баһаарынай сезон Саха сиригэр ыам ыйын 6 күнүттэн биллэриллибитэ. Саха сирин бырабыыталыстыбатын уурааҕынан ойуур уонна ландшафтнай баһаартан тахсар ыксаллаах быһыыны-майгыны сэрэтиигэ уонна туоратыыга туһуламмыт дьаһаллар толорууларын хааччыйарга сорудахтаммыта.
Быйыл Саха сиригэр баһаардары кэтээн көрүүгэ уонна бохсууга 50 салгын суудуналара уонна пилота суох аппарааттар үлэлиэхтэрэ. Ону сэргэ икки сөмөлүөтү-зондировщиктары искусственнай ардахтары түһэриигэ үлэтэллэрэ былааннанар. Баһаары бохсууга Саха сирин ойууру баһаарынай чаастарын 1,2 тыһыынчаттан тахса үлэһитэ хааччыйыаҕа.
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…
Эдэриттэн эмэнигэр тиийэ саҥа сылы кытта хайаан даҕаны үтүө, кэрэ кэлиэҕэ, эһиил быйылгытааҕар өссө ордук…
Кистэл буолбатах, үгүстэргэ “мин билэр буоллум да, киһи барыта билиэхтээх” диэн өйдөбүл иҥэн хаалбыт. Билбэтин…
Бүгүн, ахсынньы 21 күнүгэр, өрөспүүбүлүкэ баһыйар үгүс өттүгэр кыралаан хаардыаҕа. Халымаҕа, Аллайыахаҕа хаар сөбүгэр түһүөҕэ.…