Хаартыска: Сахагов.ру
Өлүөхүмэ куоратыгар сууккаҕа 2400 кубометр кыамталаах уу ситимин саҥардыы иккис уочарата түмүктэннэ диэн СӨ Олох-дьаһах, хомунаалынай хаһаайыстыба уонна энэргиэтикэ министиэристибэтэ иһитиннэрдэ.
«Бу «водозабор» дьиэ-уот уонна хомунаалынай хаһаайыстыба салаатын саҥардыыга ыытыллар киэҥ, систиэмэлээх үлэбит биир чааһа буолар. 2019 сылтан өрөспүүбүлүкэҕэ 13 уунан хааччыйыы эбийиэгин туппуппут уонна саҥардыбыппыт. Саха сирин хас биирдии олохтооҕор табыгастаах уонна аныгылыы олоҕу хааччыйар туһугар хомунаалынай инфраструктураны тупсарыыны салгыы ыытыахпыт», — диэн бэлиэтээтэ бырабыыталыстыба бэрэссэдээтэлин бастакы солбуйааччы Дмитрий Садовников.
Иккис түһүмэххэ уунан хааччыйыы магистральнай тас ситимнэрин тардыы, уу ылар скважиналары оҥоруу, уу ситимнэригэр сылытар лиэнтэлэргэ уоту тардыы үлэтэ түмүктэннэ.
«Тутуу үлэтэ барыта билигин 100% түмүктэннэ. Билигин эбийиэги официальнайдык үлэҕэ киллэрэргэ ирдэнэр докумуоннары толоруу бүтэһик түһүмэҕэр сылдьабыт», — диэтэ өрөспүүбүлүкэ бырабыыталыстыбатын бэрэссэдээтэлин бастакы солбуйааччы.
Өлүөхүмэҕэ уунан хааччыйыы систиэмэтин саҥардыы бастакы түһүмэҕин кэмигэр ууну ыраастыыр эбийиэктэр уонна хомунаалынай систиэмэ барыта саҥардыллыбыта, оҥоһуллар өҥө хаачыстыбата биллэ тупсубута диэн ОДьКХ уонна энэргиэтикэ министиэристибэтэ иһитиннэрэр.
Өлүөхүмэҕэ стратегическай суолталаах саҥа уу эбийиэгэ «Дьиэ-уот уонна куорат эйгэтэ» национальнай бырайыак эрэгийиэннээҕи «Ыраас уу» бырайыагын чэрчитинэн тутулунна.
Санатан эттэххэ, «Ыраас уу» федеральнай бырайыак сүрүн соругунан кииннэммит ититэр систиэмэлэртэн үрдүк хаачыстыбалаах иһэр уунан хааччыллар нэһилиэнньэ ахсаанын элбэтии буолар. Бу иннинэ бырайыак «Экология» национальнай бырайыак иһинэн үлэлиирэ; 2021 сылтан «Дьиэ-уот уонна куорат эйгэтэ» национальнай бырайыакка киирбитэ. Арассыыйа бэрэсидьиэнэ Владимир Путин көҕүлээбит национальнай бырайыактара 2019 сылтан саҕаламмыттара.
Сиһилии: https://www.sakha.gov.ru/news/14739
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…
Кэнники кэмҥэ оҕо аахпат буолбутун бары билинэбит. Аахпат оҕо билиитэ-көрүүтэ татым, суруйарыгар да сыыһалардаах буолар.…
Ил Дархан Айсен Николаев “Саха сирин тимир суоллара” хампаанньа 2025 сыллааҕы үбүн-хаһаайыстыбаннай үлэтин барыллаан түмүктэрин…