Өлүөхүмэҕэ ыттаах хаһаайка ыстарааптанна

Бу ааспыт күһүн, балаҕан ыйын 28 күнүгэр, Өлүөхүмэ куоратын 2№-дээх оскуолатын таһыгар 11 саастаах уолчааҥҥа ыт саба түспүтэ.

Ыттаах хаһаайка ытын сыабын сүөрэр кэмигэр быстах кэмҥэ босхо ыыппыт. СӨ Бэтэринээрийэҕэ департаменын Өлүөхүмэ оройуонунааҕы судаарыстыбаннай иниспиэктэрэ  административнай быраабы кэһии иһин боротокуол толорбута. Дьыаланы көрүү түмүгүнэн, ыттаах хаһаайка  Арассыыйа Федерациятын административнай быраабы кэһии кодексатын 8.52 ыст 3 ч. 10 тыһыынча солкуобайга ыстарааптанна.

Бу ыстатыйа ыттаах хаһаайыттар эппиэтинэһи сүгэллэригэр туһуланар. Ол курдук хаһаайыннаах ыт киһини ытырдаҕына хаһаайын 10-30 тыһыынча солкуобайга диэри ыстарааптанар. Дуоһунастаах сирэйгэ бу ыстараап суумата улаатан 50-100 тыһыынча солкуобайга тэҥнэһэр. Юридическай сирэйдэргэ 100-200 тыһыынча солкуобайга диэри улаатар.