Хаартыска: Т.Е.Саввинова тиксэриитэ.
Саҥа дьыл кэнниттэн өлүөхүмэлэр маскировочнай сиэккэни өрөргө лиэнтэни быһар станогу оҥорбуттарын туһунан Саха сирэ.ру сайт сырдатан турар. Аны бу сырыыга 2 мүнүүтэ иһигэр 3х6 миэтэрэлээх сиэккэни өрөр станогу толкуйдаан таһаарбыттар! Итэҕэйбэккэбин сибээстэһэ сырыттым.
Билэрдии, өлүөхүмэлэр ааспыт сырыыга оҥорбут станоктарын туһунан биһиги саайпытыгар кэпсээбит Үҥкүрдээҕи “Колосок” уһуйаан иитээччитин көмөлөһөөччү, Өлүөхүмэ куорат “СВОи” ыстаап волонтера Татьяна Саввинованы кытта сибээстэһэ сырыттым.
— Кырдьык, биэс мүнүүтэ иһигэр икки сиэккэни баайыахха сөп. Биһиги уһуйаан Өлүөхүмэ куорат “СВОи” волонтердар ыстааптарын кытта үлэлэһэбит. Тустаах ыстаап сүрүн иистэнньэҥэ Туйаара Семеновна Егорова миэхэ сиэккэни өрөр видеоны ыыппыта (Арассыыйаҕа манастыырга баар эбит). Ыстаап туох баар саҥаны киллэриитигэр идиэйэни көтөҕөөччү — кини. Леонид Владимирович биһиэхэ анаан оҥоруо этэ дуо диэн ол видеоны миэхэ көрдөрбүтэ. Леонид көрөн баран: “Чертеһа баара буолар түргэнник оҥоһуллуо этэ”, – диэбитэ. Хомойуох иһин, чертеһа суох көннөрү видео этэ. Ол да буоллар аккаастамматаҕа. Икки маастар – Туйаара Семеновна, Леонид Владимирович утары көрсөн олорон толкуйдаан¸ кээмэйин барытын былааннаабыттара, маастар туох ирдэнэрин испииһэктээбитэ. Бу станогу оҥорууга спонсордар көмөлөрө сүҥкэн. Ол курдук, “1000 мелочей” маҕаһыын (О.Н.Гребнева) турбалары буор-босхо биэрдэ. “Стройальянс” тэрилтэ атын матырыйаалын көрөн, Үҥкүртэн Александр Федоров дуоска биэрэн станок биир ый курдугунан күн сирин көрдө.
Дьэ уонна бэҕэһээ үлэ чааһын кэнниттэн өрөн көрдүбүт. Аан маҥнай үлэлэтэр буолан, баҕар, табыллыа суоҕа диэн куттаммыппыт. Табылынна! Өҥө даҕаны сатаммыт. Барытын эрдэттэн бэлэмнээн баран 3х6 кээмэйдээх биир сиэккэни икки мүнүүтэ иһигэр өрүөххэ сөп. Үтүө сонун бэрт түргэнник тарҕанна, төлөпүөнүм букатын “умайан” олорор, — диэн Татьяна Егоровна үөрүүтүн үллэстэр.
Били, бастакы, биһиги суруйбут илиинэн станогун кэнниттэн, Леонид Владимирович лиэнтэни быһар элэктириичэскэй станогу толкуйдаан оҥорбут эбит. Лиэнтэлэри кээмэйин төһө баҕарар уларытан, онно эрдэттэн быһан бэлэмнээн баран, маскировочнай сиэккэни икки мүнүүтэ иһигэр өрөн кэбиһэр буолбуттар!
“Леонид Владимирович букатын күн иллэҥэ суох. Уһуйааҥҥа үлэлиирин таһынан хочуолунайга маастардыыр. Орто үөрэхтээх, айылҕаттан бэриллибит сыбаарсык, элиэктирик, уус… Нэһилиэк баар суох илиитэ-атаҕа, кинитэ суох туох да хамсаабат, — диэн бэлиэтиир. Манна даҕатан эттэххэ, Леонид Владимирович оҕото анал байыаннай дьайыыга сылдьар. Миэстэтигэр кини курдук айылҕаттан талааннаах уонна ханнык да уустук үлэттэн туора турбат волонтердар баар буолан кыайыы диэки эрэллээхтик хардыылыыбыт!
Станок хайдах үлэлиирин бу ВИДЕОҔА көрүҥ
Үс ыйтан ордук болдьох иһигэр саҥа сиргэ көспүтүн туһунан байыаннай комиссариакка биллэрбэтэх киһи административнай эппиэтинэскэ…
СМИ-гэ улахан резонанс таһаарбыт Яна өрүскэ ньиэп тохтубутун туһунан иһитиннэрии "Саханефтегазсбыт" АХ сыһыана суох диэн…
Таатта улууһун үөрэҕин тэрилтэлэрин икки ардыларыгар ыытыллар “Оҕо Сатабыла” күрэхтэһии быйылгы тэрээһинэ Арассыыйаҕа Аҕа дойдуну…
Арассыыйаҕа архыып күнүнэн Саха сиригэр култуура эйгэтигэр Мэҥэ өйдөбүл сыла арылынна. Идэлээх күнүнэн ситимнээн, Дьокуускай…
Кулун тутар 16 күнүгэр Орто Амма нэһилиэгэ Кыайыы 80 сыллаах үбүлүөйүн, "Манчаары оонньууларын" көрсө "Түмсүү-төлкө…
Кулун тутар 15 күнүгэр Амма улууһун Чакыр нэһилиэгэр педагогическай үлэ бэтэрээнэ Матвей Тихонович Матвеев аатын…