Салгыы
Өлүөхүмэлэр сахалыы кылаастары, бөлөхтөрү аһары туруорсаллар

Өлүөхүмэлэр сахалыы кылаастары, бөлөхтөрү аһары туруорсаллар

03.03.2023, 18:15
Бөлөххө киир:

Төрөөбүт тыл уонна сурук-бичик күнүн иитинэн Өлүөхүмэ улууһун А.Л.Бахсыров аатынан Кыыллаах орто оскуолатыгар улуустааҕы «Тѳрүт тыл айар кутун ситимэ» диэн “төгүрүк остуол” буолан ааспыта.

Тэрээһиҥҥэ саха норуотун бэйиэтэ Наталья Харлампьева, Улахан Муҥкуттан, Абаҕаттан, II Нөөрүктээйиттэн, Кыыллаахтан, Өлүөхүмэ куораттан, Дьокуускайтан “Алтан Сэргэ” литэрэтиирэ түмсүүтүн чилиэннэрэ, саха тылын, култууратын учууталлара, Кыыллаах оскуолатын “Сыккыс” куруһуогун иитиллээччилэрэ, Токо сэлиэнньэтиттэн ыалдьыттар кыттыбыттара.

Биһиги, “Төрүт тыл айар кутун ситимэ” улуустааҕы “төгүрүк остуол” кыттыылаахтара, куйаар ситимэ олус улахан дьайыылааҕыттан дьиксинэрбитин биллэрэбит. Уһуйаан саастаах оҕолорбут бу сабыдыалга оҕустаран, төрөөбүт тылларынан саҥарбат буолан эрэллэр. Ийэ тылын билбэт киһи, норуот духуобунай култууратыттан матар, үгэстэриттэн тэйэр. Тыла суох норуот омук быһыытынан симэлийэр. Онон үүнэр ыччат төрөөбүт  төрүт тылын билэрэ, сайа саҥарара улахан суолталаах”, — диэн тэрээһин кыттыылаахтара бэлиэтииллэр.

Хаартыска: Мария Ларионова.

Саха АССР Үрдүкү Сэбиэтин XII ыҥырыытынан, 1992 сыллаахха “Тыл туһунан” Сокуон ылыллыбыта. Былырыын от ыйын 18 күнүгэр Саха Өрөспүүбүлүкэтин Бырабыыталыстыбата “СӨ судаарыстыбаннай уонна официальнай тыллары чөл хаалларыы уонна сайыннарыы” туһунан уурааҕы ылыммыта. Бу сокуоҥҥа өрөспүүбүлүкэҕэ офицальнай дэнэр нуучча уонна саха тылларын, ону тэҥэ, хотугу аҕыйах ахсааннаах омуктар тылларын туһаныы уонна тыыннаах хаалар суолларын мэхэниисимнэрэ ыйыллаллар.

Хаартыска: Мария Ларионова.

Манна олоҕуран, улуус таһымыгар төрөөбүт тылы чөл хаалларар, сайыннарар миэрэлэри ыларга бу курдук этии киллэрэбит:

Бастакытынан, “Өлүөхүмэ оройуона” МТ баһылыга Н.Н.Харбиҥҥа уонна улуустааҕы үөрэх управлениета (А.В.Солдатов) оскуола иннинээҕи, оскуола саастаах оҕолорго сахалыы бөлөхтөрү уонна Өлүөхүмэ куоракка сахалыы кылаастары тэрийэргэ;

Иккиһинэн, “Өлүөхүмэ оройуона” МТ баһылыга Н.Н.Харбиҥҥа уонна улуус экономическай сайдыытын управлениета (Н.В.Абдрахманова) олохтоох урбаанньыттар нэһилиэнньэҕэ анаан тиһигин быспакка сахалыы литэрэтиирэни атыылыылларыгар сабыдыаллыырга;

Үсүһүнэн, Өлүөхүмэ улууһун үөрэҕин управлениета (А.В.Солдатов) уопсай үөрэхтээһин оскуолаларыгар саха тылын уонна литэрэтиирэтин чааһын ахсаанын элбэтэргэ үлэни тэрийэригэр;

Төрдүһүнэн, Өлүөхүмэ улууһун култуураҕа, ыччакка, дьиэ кэргэҥҥэ уонна успуорка управлениета (А.В.Кубряк) биһиги улууспутугар Саха Өрөспүүбүлүкэтин судаарыстыбаннай тыйаатырдарын гостуруолларын тэрийиини көрөллөрүгэр;

Бэсиһинэн, Өлүөхүмэ улууһун бибилэтиэкэтин ситимэ (А.В.Хачатрян) ааҕааччылары сахалыы тылга уһуйуу үлэтин тэрийэригэр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 марта
  • -14°C
  • Ощущается: -21°Влажность: 40% Скорость ветра: 4 м/с

Сообщить об опечатке

Текст, который будет отправлен нашим редакторам: