Өлүөхүмэ саллаатын улуус баһылыга көрүстэ

Бүгүн, муус устар 1 күнүгэр, Дьокуускайга Өлүөхүмэттэн байыаннай дьайыыга кытта барбыт саллаат Данил кэллэ.

Кинини аэропорка СӨ доруобуйа харыстабылыгар миниистирин бастакы солбуйааччы Дмитрий Сергин, Өлүөхүмэ улууһун баһылыга Николай Харбин, улуус дэлэгээссийэтэ, аймахтара уонна доҕотторо истиҥник көрүстүлэр.

Ил Дархан Айсен Николаев аатыттан саллаакка саха быһаҕын туттардылар. Миниистири солбуйааччы Дмитрий Дмитриевич сулууспатын иһин махтанна уонна түргэнник чөлүгэр түһэригэр баҕарда.