Өлүөнэ, Амма өрүстэргэ уу таһыма үрдүөҕэ

Витим уонна Өлүөхүмэ өрүстэр тардыыларынан ардах бөҕө түһэн, ууларын киллэрэн, бу күннэргэ Өлүөнэ өрүскэ уу таһыма үрдүөҕэ диэн Дьокуускайдааҕы гидро-метео ыстаансыйа управлениета иһитиннэрэр.

Өлүөнэ өрүскэ сүрүннээн Ленскэй уонна Өлүөхүмэ улуустарынан уу таһыма үрдүөҕэ. Ону тэҥэ, ардах уутуттан Амма өрүскэ уу таһыма эмиэ үрдүөҕэ. Бэс ыйын 25 күнүттэн Амма сэлиэнньэтин аттынан уу таһыма үрдүүрэ күүтүллэр.

Атын өрүстэргэ уу таһыма үрдүүрэ күүтүллүбэт, сууккаҕа 5-тэн 40 см диэри түһэ турар диэн СИА суруйар.

Санатар буоллахха, Дьокуускайга 202-с түөлбэ аннынан сөтүөлүүр сир, уу анаалыһын түмүгэ биллибитин кэнниттэн,  бэс ыйын 25 күнүттэн аһыллыахтаах. Билигин кумахтаах сир баар, уу тааска тиийэ илик, оттон оҕолор номнуо сөтүөлүү сылдьаллар.