Хаартыскар: СӨ Экологияҕа министиэристибэтин пресс-кииниттэн
Бүгүн Өлүөнэ эбэ күнүн чэрчитинэн уонна «Вода России» бүтүн Арассыыйатааҕы аахсыйанан киэҥ хабааннаах экологическай субуотунньук буолан ааста.
Дьокуускай куорат 202 түөлбэтигэр Өлүөнэ өрүһүнэн уу суолунан сырыы сүүс сылыгар анаммыт пааматынньык аттынан субуотунньук кыттыылаахтара тоҕуоруһа муһуннулар.
Субуотунньугу СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэ, Өлүөнэ тардыытынааҕы уу салалтата тэрийдилэр. Росприроднадзор, Росрыболовство, Национальнай баан, Сбербаан, «Ленарегионводхоз» филиала, уопсастыбаннас, о.д.а. кытыннылар.
Тэрээһин Өлүөнэ тардыытынааҕы уу салалтатын отделын начаалынньыга Сахаайа Бурнашева салалтатынан флешмобтан саҕаланна.
Субуотунньук кыттыылаахтара сүргэлэрэ көтөҕүллэн, эттэрэ-хааннара чэбдигирэн баран өрүс кытылын ыраастыы туруннулар.
Кытылы ыраастааһыҥҥа 120-чэ киһи кытынна, түмүгэр уопсай күүһүнэн 130 куул бөх-сах хомулунна.
Тэрээһин түмүгэр саамай көхтөөх уонна саамай эдэр кыттааччыларга бириистэри туттардылар диэн СӨ Экологияҕа министиэристибэтин пресс-киинэ иһитиннэрэр.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…