Сахагов
Өлүөнэ өрүскэ мууһа хойуутук устар, чугастааҕы икки-үс суукка Эдьигээн оройуонугар тиийиэҕэ.
Бу туһунан СӨ Гражданскай оборуона уонна нэһилиэнньэ олоҕун куттала суох буолуутун миниистирин бастакы солбуйааччы Айаал Вензель брифиҥҥэ иһитиннэрдэ.
Билигин муус Кэбээйи, Нам, Уус Алдан, Мэҥэ Хаҥалас, Хаҥалас уонна Дьокуускай куорат территорияларынан ааһар. Муус үөһэ тардыыта Табаҕа сэлиэнньэтигэр бэлиэтэммит. Алын кырыыта Кэбээйи оройуонун Сангаар бөһүөлэгиттэн 30 км аллараа устар — манна муус хойуутук барар.
«Халаан уутун төгүрүк суукканы кэтээн көрүүтүн ыытабыт. Олохтоох салайыныы уорганнара уонна суһал сулууспалар бэлэм олороллор», — диэн Айаал Вензель бэлиэтээтэ.
Алдан өрүскэ муус хамсааһына уһугар таҕыста. Өрүс былаһын тухары муус сэдэхтик устар, ону тэҥэ сууккаҕа 10-80 см уу таһыма үрдүүрэ бэлиэтэнэр.
Бүлүү өрүс мууһа Кэбээйи оройуонун территориятынан устар. Үөһээ кырыыта Промышленнай сэлиэнньэ 20 км аллараа бэлиэтэннэ, аллараа кырыыта өрүс уһугар тахсыбыт.
Дьааҥыга, Индигииргэ уонна Халымаҕа муус устар уонна уу таһыма үрдүүр. Верхоянскай куорат аннына муус хамсааһына, Индигииргэ муус эстэрэ чугаһаабыт, Уус-Ньара бөһүөлэгин аттыгар муус ыам ыйын 19 күнүгэр эстэрэ күүтүллэр.
Уу эбийиэктэригэр буруйу оҥорууну уонна быһылааны тахсыытын сэрэтэр, туоратар сыалтан, барыбыттан болҕомтолоох буолуу ирдэнэр. Уу эбийиэктэригэр куттал суох буолуута – биһиги барыбыт уопсай эппиэтинэспит. Бэйэбит уонна чугас дьоммут олохторун, доруобуйаларын харыстыыр туһугар, бары ирдэбиллэри тутуһан, сэрэхтээх буолуоҕуҥ! Этэҥҥэ сылдьыҥ!
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…