Өлүөнэ Эбэ мууһун хараардыы — эппиэттээх кэм

Бу күннэргэ Өлүөнэ Эбэҕэ саамай эппиэттээх үлэ көрүҥэ — мууһу эрбээһин уонна хараардыы ыытылла турар.

Уу Федеральнай ресурсатын ааҕыныстыбатын Өлүөнэтээҕи салаатын салайааччыта Петр Аргунов бэлиэтээбитинэн, саамай күүстээх хара үлэ бу күннэргэ буола турар.

«Быйыл федеральнай үбүлээһин үрдээтэ. Ол курдук, Саха сиригэр 54 мөлүйүөн солкуобай федеральнай үп-харчы көрүллүннэ. Өлүөнэ өрүс саамай харар сирдэригэр үлэ күүстээхтик ыытыллынна. Бу күннэргэ Өлүөхүмэ, Ленскэй, Халыма, Нам улуустарыгар хараардыы үлэтэ ыытылынна.

Ордук улахан үлэни Нам улууһугар ыыттыбыт. Ленскэйгэ, Өлүөхүмэҕэ хараардыы үлэтэ сарсын-өйүүн түмүктэниэҕэ» — диэн бэлиэтээтэ Петр Аргунов.