Хаартыска онлайн видеоттан
Бэҕэһээҥҥиттэн социальнай ситимнэргэ Өлүөнэ өрүс эстэн бу устан иһэрин курдук иһитиннэрии тарҕанна. Ол төһө оруннааҕый?
Биллэрин курдук, Өлүөнэ эбэ Иркутскай уобаластан саҕаланар. Бэҕэһээ Иркутскай уобалас Жигалово уонна Качуг бөһүөлэктэрин аннынан Өлүөнэ эбэ миэстэтигэр эһиннэ, ол гынан баран уута аҕыйах буолан, мууһун көтөхтөрбөккө, устубакка турар. Өлүөнэ өрүс баһыгар уута эбилиннэҕинэ көмүөл мууһа халҕаһалыы анньан Уус Кутунан, Киренскэйинэн Саха сирин кыраныыссатыгар кэлиэ.
Ситимнэргэ тарҕаммыт иһитиннэрии төһө кырдьыгын Өлүөнэ тардыытынааҕы уу салалтатын уу хаһаайыстыбатын отделын начаалынньыгыттан Варвара Максимоваттан ыйыттыбыт, ону маннык эппиэттээтэ:
— Өлүөнэ өрүс мууһа уста илик. Бэҕэһээ Иркутскай уобалас Жигалово аннынан миэстэтигэр хамсааһын буолла. Ити бөһүөлэк Саха сирин кыраныысатыттан 1000 км тэйиччи сытар. Онон кыраныыссаҕа быһа холоон ыам ыйын 10 чыыһылатыгар кэлиэ. Быйыл Өлүөнэ өрүскэ уустук халаан буолара сабаҕаланар.
Оттон Күнү-дьылы кэтээн көрөр сулууспа дааннайынан Өлүөнэ өрүс Иркутскай уобалас сиригэр нуорматтан 2-6 күн хойутаан устара сабаҕаланар.
Ол курдук, Качукка уонна Жигаловоҕа муус устар 28 – ыам ыйын 5 күннэригэр диэн этэ. Бэҕэһээ иккиэн миэстэлэригэр уһуннулар. Уус Кут ыам ыйын 1-6 күннэригэр эстэн, 12 чыыһылаҕа Витимҥэ кэлиэхтээх.
Бүгүҥҥү туругунан, Өлүөнэҕэ Качук таһынан уу таһыма нуорматтан 20-35 см, Жигалово – Уус Кукка уонна Витимҥэ 50-110 см намыһахтара бэлиэтэнэр.
Сулустар тугу этэллэр эбитий? Игирэ бэлиэтигэр төрөөбүттэргэ туох сүбэ баарый? Игирэлэр (21.05 -- 21.06) 2025…
Оҕобун таптыыбын, ол иһин харчыбын барыыбын диэнинэн билигин үгүс төрөппүт салайтарар. Эспиэрдэр бэлиэтииллэринэн, дьиэ кэргэн…
Быйыл оҕо сайыҥҥы лааҕырдарыгар суруйтарыы ыам ыйын 15 күнүттэн Судаарыстыбаннай өҥө порталынан саҕаламмыта. Босхо путевкаттан маппыт,…
Ааспыт сууккаҕа уопсайа 515 гектар сири хаппыт алта ойуур баһаарын умуруорбуттар. Бүгүҥҥү күҥҥэ Муома, Дьааҥы,…
Оҕо көмүскэлин аан дойдутааҕы күнүн чэрчитинэн, өрөспүүбүлүкэҕэ бэс ыйын 3-9 күннэригэр Оҕо доруобуйатын харыстабылын нэдиэлэтэ…
Бэс ыйыгар Үрүҥ Айыы чугаһаан, Айыы аартыга арыллар. Айыы аартыгын бата алгыс көтөҕүллэр. Сиэри ситэриллэн,…