Өлүөнэ эбэҕэ икки салгын олбохтоох суудуналар харсыспыттар
10.11.2024, 13:32
Хаартыска: Саха сиринээҕи Тырааныспар борокуратуурата
Бөлөххө киир:
Саха сирин Тырааныспарга борокуратуурата Өлүөнэ эбэҕэ тахсыбыт саахал чахчытынан бэрэбиэркэ ыытар.
Тырааныспар борокуратуурата быһаарбытынан, сэтинньи 9 күнүгэр киэһэ 21:30 чаас саҕана Өлүөнэ эбэҕэ Аллараа Бэстээхтэн 2 км тэйиччи салгын олбохтоох суудуналар харсыспыттар.
Дьокуускай куорат өттүттэн айаннаан испит биир суудунаҕа 2 пассажирдааҕа, атыныгар Аллараа Бэстээх өттүттэн 3 пассажирдааҕа биллэр. Быһылаан түмүгэр 4 киһи балыыһаҕа киирдэ, олортон дьахтар мэйиитин доргуппут, төбөтүн эчэппит.
Саха сирин Тырааныспарга борокуратууратыгар пассажирдары таһыы эйгэтигэр сокуону тутуһууну бэрэбиэркэлээһин тэрилиннэ. Төрүөттэр быһаарыыларынан борокуруор сөптөөх дьаһаллары ылыныаҕа.
+1
3
+1
12
+1
1
+1
+1
40
+1
+1
10
Сообщить об опечатке
Текст, который будет отправлен нашим редакторам: