Өлүөнэ өрүһү туоруур кыһыҥҥы суол тохсунньуга аһыллыа диэн иһитиннэрдилэр

Дьокуускай-Аллараа Бэстээх хайысханан «Халыма» федеральнай  суолунан Өлүөнэ өрүһү туоруур кыһыҥҥы суолу 2026 сыл тохсунньу 5 күнүгэр арыйары былаанныыллар. Бу туһунан «Бүлүү» федеральнай суол управлениетын пресс-сулууспата иһитиннэрдэ.

Ахсынньы 1 күнүттэн «Халыма» суолга Хаандыга-Мэҥэ Алдан хайысханан Алдан өрүһү туоруур суол аһыллыаҕа. Бу кэмҥэ «Бүлүү» федеральнай суолга Бүлүү өрүһү туоруур суоллар Үөһээ Бүлүү, Күндээдэ, Устье, Кириэстээх сэлиэнньэлэрин  аттынан 4 туоннаҕа диэри ыйааһыннаах тырааныспарга аһыллыахтара.

«Күн-дьыл туругуттан уонна муус халыҥыттан көрөн, бу болдьохтор уларыйыахтарын сөп», — диэн управлениеҕа этэллэр.

Билигин өрүһү туоруур суоллары оҥоруу, мууһу халыҥатыы, бэлиэлэри туруоруу, о.д.а. үлэлэр ыытыллаллар. Өрүһү туоруур сирдэргэ кэтиир-маныыр дьуһуурунайдар тураллар  диэн ЯСИА суруйар.