Өлүөнэ өрүһүнэн дьону таһыыга 26 «Хивус» үлэлиэҕэ

Сотору кэминэн өрүстэринэн айан-сырыы кытаатан, пассажирдары таһыыга «Хивус» суудуналар үлэлиэхтэрэ. 

СИА суруйарынан, халлаан лаппа тымныйдаҕына, өрүскэ судоходнай быһыы-майгы кытааттаҕына,  Дьокуускай — Аллараа Бэстээх хайысхатынан пассажирдары нөҥүө кытылга туоратыыга сымнаҕас «сыттыктаах» 26 суудуна  үлэлиэҕэ.  Дьону 2000 солкуобайга туоратыахтара. Суудуналар сарсыарда 7 чаастан  киэһээ 18 чааска диэри сылдьыахтара.