Өлүөнэ өрүс мууһа хас да улууһунан устар

Бүгүн, ыам ыйын 21 күнүгэр, сарсыарда 8 чаастааҕы туругунан, Өлүөнэ өрүс мууһа Хаҥалас, Нам, Уус Алдан, Кэбээйи улуустарынан устар.

Көмүөл алын кырыыта Кэбээйи улууһун Сангаарынан устар. Уу таһыма  1049 см (кутталлаах таһым  1150 см), 4 чаас иһигэр +6 см эбилиннэ. Муус хойуутук устар.

Нам  Арбынын таһынан уу таһыма  878 см (кутталлаах таһым 897 см), 4 чаас иһигэр  +6 см эбиллибит. Бүгүҥҥү туругунан  14 дьиэ тиэргэнэ, 2 дьиэ ууга бардылар.

Табаҕа – Дьокуускай  – Кангаласс учаастагынан уу таһыма суукка устата  30-50 см үрдээтэ, муус сэдэхтик устар.

Кангаласс таһынан уу таһыма 854 см (кутталлаах таһым 1000 см).

Өлүөнэ мууһун үөһээ кырыыта Покровскай куорат таһынан устар. Уу таһыма   776 см (кутталлаах таһым 1370 см) диэн өрөспүүбүлүкэтээҕи суһал ыстаап иһитиннэрдэ.