Өлүөнэ өрүс мууһа Иркутскайга Чечуйск сэлиэнньэ аттыгар хамсаата

Өлүөнэ өрүс мууһа Иркутскай уобалас Чечуйск сэлиэнньэтин аттыгар хамсаата.

Саха сирин кыраныыссатыгар диэри 383 км хаалбыт, диэн УГМС сулууспата иһитиннэрдэ.

Өлүөнэ өрүскэ сууккаҕа 1-тэн 10 см диэри уу таһыма үрдүүр. Витим — Солянка учаастагар уу муус үрдүнэн устара бэлиэтэнэр. Саха сиригэр муус эстиитэ, болдьоҕун иннинэ, ыам ыйын 2 күнүгэр сабаҕаланар. Сааскы халаан уутун кэмэ чугаһаабытынан, муус устар 29 күнүттэн өрөспүбүлүкэ сиригэр-уотугар үрдүк бэлэмнээх эрэсиимэ биллэриллибитэ.

Муус хамсааһынын СИА-ҕа онлайн кэтээн көрүөххүтүн сөп.