Өлүөнэ өрүс мууһа Иркутскайга Жигалово уонна Качуг таһынан хамсаата

Өлүөнэ эбэ  Иркутскай уобалаһын Жигалово уонна Качуг бөһүөлэктэрин аннынан эһиннэ.

Муус хамсааһына  Жигалово бөһүөлэгэр — 50%, Качуг бөһүөлэгэр — 30%, оттон Киренскэй бөһүөлэгин таһыгар — 10%, муус хараарбыт. Бу туһунан Иркутскайдааҕы ЫБММ пресс-сулууспата суруйар.

Санаттахха, сүрүннээн муус хамсааһына быйыл холкутук ааһара билгэлэнэр. Муус халыҥа ортотунан урукку сылларга кээмэйдэммит нуормаҕа тэҥнэһэр, сорох сиринэн орто көрдөрүүттэн чараас. «Росгидромет» сулууспа билгэтинэн, быйыл муус хамсааһына арыый эрдэ саҕаланар.

Усть-Кут бөһүөлэгин аннынан  муус хамсааһынын бу сигэнэн онлайн киирэн кэтээн көрүөххэ сөп.