Өлүөнэ өрүс мууһа Саха сиригэр тиийэрэ 338 км хаалла

Өлүөнэ өрүс мууһа Саха сирин кыраныыссатыгар чугаһаан эрэрин, сааскы халааҥҥа бэлэмнэнии туһунан бүгүн, муус устар 30 күнүгэр, СӨ гражданскай оборуонаҕа уонна нэһилиэнньэ олоҕор-дьаһаҕар куттал суоһаабатын хааччыйыыга миниистири бастакы солбуйааччы Айаал Вензель иһитиннэрдэ. 

Кини этэринэн, Өлүөнэ өрүскэ муус көхтөөх хамсааһына билигин Иркутскай уобаласка бэлиэтэнэр. Суукка иһигэр муус 12 км хамсаабыт, Саха сиригэр кэлэрэ 338 км хаалбыт.

Гидрометеорологтар сабаҕалааһыннарынан, Саха сиригэр өрүстэр урукку сыллары кытта тэҥнээтэххэ, 4-6 күн эрдэлээн эстиэхтэрин сөп. Арай, Дьааҥы уонна Индиргиир өрүстэр 1-2 күн эрдэ эстиэхтэрин сөп.