Хаартыска: СИА
Өлүөхүмэ куоратыгар Өлүөнэ өрүскэ анаммыт пааматынньыгы оҕолор уруһуйдаан, марайдаатылар. Чопчу ким гыммыта биллэ илик, тоҕо диэтэр, тустаах камера үлэлээбэккэ турбут диэн куорат мээрэ Сергей Щебляков СИА-ҕа иһитиннэрдэ.
— Быһылаан буолбутун туһунан биһиэхэ бэҕэһээ киэһэ иһитиннэрбиттэрэ. Оҕолор мэниктээбиттэр, маркерынан уруһуйдаабыттар. Пааматынньыгы ыраастаатыбыт, чөлүгэр түһэрдибит. Пааматынньык аттыгар икки камера баар, ол эрээри, чугас турар камера тоҕо эрэ үлэлээбэт эбит. Иккис камераҕа чуолкайа суох көстөр, ол эрээри, оҕолор сылдьаллара биллэр. Хантан кэлбиттэрин-барбыттарын билэр туһуттан, чугастааҕы камералары көрөллөрүн курдук, полицияттан көрдөстүбүт, — диэн Сергей Щебляков иһитиннэрдэ.
Үлэлээбэт камера туһунан бэдэрээтчиккэ биллэрбиттэр. Төрүөтүн билэн баран, саҥаны туруоруохтаах.
Санатар буоллахха, бэҕэһээ Өлүөнэ өрүскэ Дьокуускай аттынааҕы Хаҥалас бөһүөлэгэр мазут бээтинэлэрэ тохтубута биллибитэ. Билигин ол бээтинэлэри суох оҥорорго үлэ барар.
Өлүөхүмэҕэ турар Өлүөнэ өрүс пааматынньыга биир саамай кэрэ көстүүлээх мэҥэ таас буолар. Өлүөхүмэ куорат 380 сылыгар анаан 2015 сыллаахха туруорбуттара. Ааптара — скульптор Николай Чоччасов. Үс миэтэрэлээх скульптураны итиини-тымныыны тулуйар, уһулуччу кытаанах, маҥан бетонтан оҥорбуттара. Туруорбуттарын кэннэ сыл буолаат, пааматынньыгы вандаллар дьаабылаабыттара, ол иһин камералары ыйаабыттара. Билигин да буруйдаахтары булан, төрөппүттэрин ыстарааптаан, оҕолору кытта өйдөтөр үлэни ыытыахтарын наада.
Бүгүн, ахсынньы 25 күнүгэр, Дьокуускайга 1-8 кылаас үөрэнээччилэригэр актированнай күн биллэрилиннэ. Бу туһунан Дьокуускай куорат…
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…