Өлүөнэ өрүскэ балаһыанньа кытааттаҕына бөртөлүөтүнэн дьону таһыахтара

«Полярные авиалинии» АХ Өлүөнэ өрүскэ гидрологическай быһыы-майгы сытыырхайдаҕына, Ми-8 бөртөлүөтүнэн нөҥүө кытылга дьону таһарга бэлэмин биллэрдэ.

Хампаанньа  өрүс мууһа хойуутук барар кэмигэр, суудуналар сырыылара тохтоотоҕуна, Ми-8  көтөр аалынан Маҕан пордуттан Мэҥэ Хаҥалас Павловскайыгар диэри  рейстэри оҥоруоҕа.

Билиэттэр  «Полярные авиалинии» АХ Маҕан аэропордугар баар каассатыгар  (төл. 40-60-36)  итиэннэ Павловскайга баар былаһааккаҕа, рейс оҥоһуллуон  икки чаас иннинэ,  атыыланыахтара. Бу туһунан хампаанньа пресс-сулууспата иһитиннэрдэ.