Өлүөнэ өрүскэ «Хивустар» кэлэр нэдиэлэттэн сылдьыахтара

Муус устар 16 күнүттэн Өлүөнэ өрүһүнэн айаннааччылары салгын сыттыктаах суудуналар 203-с микрооройуонтан таһыахтара  (Ларионов уул., 16  дьиэ, «Парус» кэннигэр).

Айан сыаната Дьокуускай куораттан  Аллараа Бэстээххэ диэри тимир суолун вокзалыгар  («Хивус» + оптуобус) барыта холбоон 1800 солкуобай буолуоҕа.

Биэстэригэр диэри саастаах оҕолор (туспа миэстэни ылбакка) босхо айанныахтара, онтон  5-12 саастаахтарга  билиэт сыанатын 50% төлүөхтэрэ.

Айанньыттар трансферга толуону пуойаска   билиэти кытта тэҥҥэ ылыахтарын сөп (“РЖД” саайтыгар эбэтэр «АК «ЖДЯ»  АУо каассаларыгар, Алдан, Томмот, Аллараа Бэстээх уонна Дьокуускай куорат вокзалларын каассаларыгар).

Трансферга толуону онлайн-сиэрбистэр уонна “РЖД” ААУо официальнай саайтарын нөҥүө ылыахха сөп.

Интэриэһиргиир ыйытыыларгытын  8(4112) 31-80-81 (доб. 7381) эрийэн билсиэххитин сөп.