Өлүөнэ өрүскэ икки танкер харсыспыттар. Ууга бэнсиин тохтубут (видео)

Иркутскай уобаласка Өлүөнэ өрүскэ икки танкер харсыспыттар. Бу саахал түмүгэр өрүскэ бэнсиин тоҕулунна. Братскай оройуон силиэстийэлиир кэмитиэтэ бу быһылааны чинчийэ сылдьар. Барыллаан чинчийии түмүгүнэн Арассыыйа Холуобунай кодексын 263 ыстатыйатыгар суруллубут буруй оҥоруу сибикитин булбуттар (уу тырааныспарын сөптөөхтүк туттуу быраабылатын кэһии).

Бу туһунан Арассыыйа силиэстийэлиир кэмитиэтин Илиҥҥи эрэгийиэнннэр икки ардыларынааҕы тырааныспарга салаата иһитиннэрэр.

Силиэстийэ көрдөрөрүнэн бэс ыйын 12 күнүгэр Киренскэй оройуонугар Алексеевскай бөһүөлэк туһаайыытыгар ТР-901 уонна ТР-900 «Ерофей Хабаровск» танкердар кэтиллибиттэр. ТР-900 «Ерофей Хабаровск» 832 туонна бэнсиин тиэйэн испит, харсыһыы түмүгэр 138 туонна иэннээх цистерна тэстибит, бэнсиин ууга тохтубут. Дьон эчэйбэтэх.

Саахал буолбут сиригэр быраабы араҥаччылыыр уорганнар үлэ ыыта сылдьаллар.