Өлүөнэ өрүскэ мазут тохтубутун буллулар

Дьокуускай куорат аттынааҕы Хаҥалас бөһүөлэгин таһыгар Өлүөнэ өрүскэ мазут бээтинэлэрэ сылдьаллара көһүннэ. Хаартыскаҕа түһэрэн баран, социальнай ситимнэргэ тарҕаппыттар. Хаҥалас бөһүөлэгин дьаһалтата бу сураҕы бигэргэттэ диэн Саха сирин экологияҕа министиэристибэтэ иһитиннэрэр.

Быһылаан буолбут сиригэр Ыксаллаах быһыы-майгы министиэристибэтин үлэһиттэрэ өрүс киртийиитин суох гынар сыаллаах үлэлии таҕыстылар.

Экология министиэристибэтэ «Росприроднадзор» управлениетыгар сурук суруйда. Өлүөнэ өрүс федеральнай судаарыстыбаннай экологическай хонтуролга баарынан, киртитии түмүгүнэн миэрэлэр эмиэ маннык таһымҥа ылыллыахтаахтар. Буруйдаахтар булуллан, эппиэккэ тардыллыахтаахтар диэн СИА суруйар.

Манна эбэн эттэххэ, мазут ханнык эрэ суудунаттан тохтубут буолуон сөп.