Өлүөнэ өрүскэ сүппүт эр киһи өлүгүн буллулар

Кулун тутар 7 күнүгэр сүппүт эр киһи өлүгүн буллулар.

Санатан эттэххэ, Хатас сэлиэнньэтин 40 саастаах олохтооҕо күнүс дьиэтиттэн тахсан, сатыы кэргэнэ уонна оҕолоро олорор Павловскай сэлиэнньэтигэр айаннаабыт. Өлүөнэ өрүһү туоруур кыһыҥҥы суолунан барбыт. Ол киэһэ 22:00 чаас саҕана эр киһи ийэтингэр эрийэн муммутун туһунан биллэрбит. Ити кэнниттэн аймахтара кинини кытта сибээстэһэ сатаабыттара да, төлөпүөнэ холбоммотох. Эр киһи сибээскэ тахсыбатах.

Сүппүт эр киһини көрдөөһүҥҥэ Саха сирин быыһыыр сулууспатын үс быыһааччыта вездеходунан тахсыбыттара. Эр киһи өлүгэ Мэҥэ Хаҥалас улууһун Павловскай сэлиэнньэтиттэн чугас Өлүөнэ өрүс арыытыгар көстүбүт. Барыллаан быһаарыынан, кини суолтан туораан, тымныйан өлбүт. Бу туһунан ЫБММ пресс-сулууспата суруйар.